25~31/3 結算周好友反擊

2021/03/25 21:13:05 網誌分類: 經濟
25 Mar

港股急挫破位而下, 創月內新低秒殺肥牛即V彈呈陽燭

25/3 周四恒指收27899, 跌18點, 連跌5天, 反彈在望

成也QQ.敗也QQ

大鱷不愛炒單邊, 3月大插插, 好友已死得七七八八, 係時候炒下反彈, 對於大鱷來說, 想好淡通殺, 操控恒指上落千點係易如反掌,

港股牌面雖然弱雞, 但恒指月波幅已進入達標範圍, 做2200~2800點可見27100~27700, 今日低見27505後出現靚仔V彈, 差不多收復所有失地, 3月份可能已見底, 可先行作出反彈, 等下個月再試底,

今日港股插水創即月新低27505, VHSI恒指恐慌指數理應急升, 但卻是大跌7.27%, 近全日低位收, 唔驚啵!如果配合明日港股會彈高的預測, 今日VHSI不升反跌可能代表港股跌勢喘定, 會抝腰向上

今次恒指連插五棍, 累計殺牛10357張, 重倉肥牛陣亡, 牛牛已死得七七八八, 而初生BB熊就陸續出世, 並下移至28500附近, 明日大鱷可以推番大市上去, 呢幾日係轉倉高峰期, 只要空軍平倉, 有利推動港股向上

今年恒指最長係連跌4天, 加上剛跌至100天線大位, 正路插穿應有反彈, 結果因為QQ業績見光死(其實業績靚仔), 恒指創今年最長跌浪, 出現五連跌, 今日彈唔起, 仍可寄望明天(周五), 因為恒指好少全周日日跌, 港股每星期通常有兩個方向, 好少走單邊, 跌左4日, 就係時候掉頭向上, 加上大市超賣, 會有技術性反彈,

如果3月本來係好倉底,好友亦不會坐以待斃, 會有反擊, 月尾6天通常會升1~3天, 或3升3跌,如今係2跌, 代表未來幾日不會全跌,升市日數會增加

受除牌消息拖累, 阿里巴巴等中概股出現洗倉潮, 係跌市元兇, 今日大媽的QQ買賣盤非常活躍, 有托沽味, 似乎唔想QQ深潛, QQ雖然反艇, 但收陽燭, 低見$588.5後急彈重上$600, 其後見大手買盤駐兵$600水平護盤, 有利明日反彈, 阻力$613及$621

亞太區股市造好, 中港股市獨跌, 似係為殺好倉以及擴大周及月波幅而夾硬插, 期指未平倉合約大幅縮減, 可能有淡友食胡或轉倉, 老外於周二大手沽出A股, 但周三四就大手掃貨, 預示A股反彈在望

未來幾日基金要部署季結, 而美股季結則會在後日(周五26/3), 或會粉飾櫥窗, 下周一(29/3)結算前夕, 要部署下周二(30/3)結算位, 美債息高企不下, 歐央行的買債言論推低了歐元, 令美元走強, 不利新興市場貨幣, 港元及人民幣弱雞, 壓住中港股市

{#icono_71}{#icono_71}{#icono_71}{#icono_71}{#icono_71}{#icono_71}{#icono_71}{#icono_71}{#icono_71}{#icono_71}{#icono_71}{#icono_71}{#icono_71}{#icono_71}

港股急彈, 恒指結束五連跌

26/3 周五恒指收28336, 大升436點 

成也QQ.敗也QQ, 大媽掃QQ, QQ急彈, 推動港股向上, 惟QQ仍受制於$622及$630, 打回頭收$620, 要QQ收$630之上, 港股才能脫險, 下周28000~28500就要爆邊, 要看好友會否推高結算,

今日恒指急升, 在尋底勢頭當中拗腰收升超過200點係強烈利好訊號, 今日高見28415, 市弱由低位彈約800點, 27505+800=28305, 市強就會彈1000~1200點, 27505+1000~1200=28500~28700, 10及20天線/下降軌頂部阻力在28600~28900, 估計要4月才能上企

上証結束三日跌勢, 大幅反彈54點, 收3423, 向上阻力3450, 只要穩住上証, 港股就不會破底, 因為兩地股市多數係同步尋底頂

在美上市的中概股洗倉潮未完, 斬倉陸續有來, 加上業績見光死, 都會拉住港股後腿, 近日見資金轉投高息股來避險

過去幾周恒指高低位:

2月中: 30099~31183
2月尾: 28980~31071
3月第一周: 28513~29912
3月第二周: 28326~29550
3月第三周: 28612~29596
3月第四周: 27505~29139 (底頂下移)

4月份: 如守得住27505, 就要上破29139來擴大波幅

{#icono_72}{#icono_72}{#icono_72}{#icono_72}{#icono_72}{#icono_72}{#icono_72}{#icono_72}{#icono_72}{#icono_72}{#icono_72}{#icono_72}{#icono_72}{#icono_72}{#icono_72}{#icono_72}{#icono_72}

結算前夕好友力撐, 恒指底頂上移續彈,

29/3 周一恒指收28338, 升1點, 連升2天

港股於上周四(25/3)創即月新低27505後, 已是連續2日底頂上移, 在中概股暴跌的利淡因素下, 恒指仍能連續3日收陽燭, 好友果然有誠意護盤,

周港股急瀉, 但好友趁內地股市造好, 推高大市部署明日期指結算, 不過結算完點算呢? 要看上証能否守穩3400就知港股後向, 港股3月跌得太慘烈, 大媽亦唔想低位出貨, 大媽仍心繫29000穿梭的日子, 以大媽的風格, 4月會重上29000

以大鱷的習性, 上周港股創新低後急彈, 推高大市才能吸引買盤進場, 否則跌跌不休就會嚇到股民離場, 反正今個月港股月波幅已達標, 推番大市上去又可在高位派貨, 亦可穩住市場信心

今日恒指低見28132, 全靠尾市踢高, 收復失地近平收, 升1點, 收報28338, 明日大鱷要開餐, 牛熊都非常貼價, 28100有小牛 VS 28500 有小熊, 今日高低位28132~28484, 明日要爆邊開餐

美國十年期債息上企1.7%, 不利科企, 令港股反彈乏力, 對沖基金出事, 中概股遭洗倉, 跌到阿媽都唔認得, 博反彈的短炒友都縮手, 科企跑輸大市, 影響市場氣氛, 港股點穴, 但VHSI恒指恐慌指數上升, 要看明日VHSI會否下跌, 就知港股能否更上一層樓

阿爺好, 港股好, 上証與港股同步回穩, 上証及恒指齊齊連升兩天, 收3435, 仍受制於3450, 人仔弱, 老外大舉沽出A股, 上証通常急升2天沽壓就會大增,不過只要守得住3400,上升勢頭仍在

美元強勢在93關口湧下湧下, 一旦升穿, 新興市場股匯債就大鑊, 人民幣連跌7天, 港匯弱勢持續, 牌面雖然利淡, 但道指高企不下, 上証力守3400, 加上基金掃貨粉飾櫥窗, 內銀等舊經濟股大受追捧, 港股隨即回穩, 上証及滬深股市連跌逾一個月後上周轉升, 連跌斷纜利好, 上証本周有望收升, 港股有望跟隨

~~~~~~~~~~~~~~~~~~~~~~~~~~~~~~~~~

殺完好友殺淡友.好淡通殺

過去幾個星期港股係梅花間竹, 一周升一周跌, 上周收跌, 就輪到本周收升, 如果跟呢個慣性走勢模式, 本周四(1/4)就會收28336/10966之上

大量利淡因素下, 但港股今日仍跌唔落, 皆因道指恒指差距已由早前的1500~3000點, 大幅擴大至目前約4700點的極不合理水平, 如果恒指再插, 兩者差距就會進一步擴大, 港股就大幅跑輸道指, 所以恒指理應補漲, 才能收窄兩者差距,

只要大媽掃貨, 或者內地股市造好, 港股上升動力就會增強, 今日沽空急增至14.36%, 為2月中以來最高水平, 預示明日一係急升挾淡, 一係插水

淡友如果上周低見27505冇食胡就大鑊, 見財化水, 因為市強就會由低位彈1000~1200點, 27505+1000~1200=28500~28700, 如能收於其上並呈陽燭, 代表好友已奪回主導權, 10及20天線/下降軌頂部阻力在28600~28900

利好利淡消息充斥市場, 3月份大鱷就玩好淡通殺, 回顧過去20年恒指4月的表現, 收升機會率大, 所以最好3月不要收得太高, 就可降低4月收升的門檻, 暫時想到多個利好4月的因素, 4月會有買盤追捧除息股, 減了倉的基金經理冇左3月季結的制肘, 入市可以較進取, 內地股市處於年度低位附近,向上空間大,3月業績期過後, 企業回購會增加, 加強股份低位的承接力, 不過中美交惡, 匯債波動, 4月或會有黑天鵝

{#icono_71}{#icono_72}{#icono_71}{#icono_72}{#icono_71}{#icono_72}{#icono_71}{#icono_72}{#icono_71}{#icono_72}{#icono_71}{#icono_72}{#icono_71}{#icono_72}

30/3周二期指結算挾淡倉, 恒指收28577, 升239點, 連升3天沽壓大增

3月期指結算價28597
3月國指期貨結算價11028

貼價牛瘦熊肥, 28100牛 VS 28700熊, 28100有小牛, 28700樓上每百點都有肥熊,極具吸引力, 向上阻力28800~29000極大

美股水浸, 推動道指創新高, 但港股缺水只能靠乾升挾淡, 今日港股急升但成交少得可憐, 成交為一個星期以來最少, 南韓對沖基金出事, 禍及不少國際金融機構, 黑天鵝不會這麼快結束, 美債息急升突破1.75%,不利股市, 但美股大牛市, 往往一插即彈, 撐起全球股市

3月初有期權分析師指今個月係好倉底, 多數係於28000樓下建倉, 今日推上28597結算, 看來又幾似, 3月中見未平倉合約有異動, 當時覺得似係淡友加倉, 結果3月下旬暴跌, 上周創即月新低27505淡友就食胡, 好友就作出反擊, 重返28500~29500的主波動區

今日高見28694, 28800攔路, 國指今日已率先收陰燭, 釋出利淡訊號, 恒指連續4日收陽燭, 當出現收陰燭, 就係回調警號, 要連續3日收28500之上, 才能確認升浪

18/2港股見頂回落, 美債息急升令科企泡沫爆破, 基金經理由於重倉新經濟股, 由本來持倉首季大賺約20%, 變成倒蝕5~10%, 身水身汗炒左成季, 一場歡喜一場空, 結果係慘敗收場, 基金經理十分沮喪, 保守的基金經理冇大手持倉新經濟股只係輕傷, 首季埋單整體仍有微利, 而大部份基金經理單計3月份都係虧蝕, 因此入市策略已由進取轉保守, 短炒快閃, 這就可解釋到為何港股彈散, 因為基金經理見反彈就止賺或止蝕, 見過鬼怕黑, 基金經理縮減了新經濟股倉位, 將資金由新經濟股轉投舊經濟股, 地產股大升就係被基金經理掃貨所推動

本港疫情紓緩, 加上季結粉飾櫥窗, 地產股爆升炒復蘇, 係升市的功臣, 不過連日急升的內銀見獲利沽壓, 逆市下跌, 反映大鱷每一浸炒兩三日就換馬, 由於中港美三地股市多數係同一方向走, 目前三地股市正在尋頂, 港股勢頭亦向上, 當中美股市見頂回落, 港股反彈浪就會結束

~~~~~~~~~~~~~~~~~~~~~~~~~~~~~~~~~~~~

港股技術指標改善

午後港股沽壓大增, 一如所料結算尾聲港股升幅收窄, 收28552(開市位)之上, 收28577, 升239點, 今日恒指收陽收升, 大鱷睇住幅圖來畫靚幅圖, 技術指標圖表走勢明顯改善, 好友力守100天線之心表露無遺

3月份港股反艇, 主因係1~2月升幅太大, 升勢過急, 3月就出現獲利潮, 加上黑天鵝事件浪接浪, 令大市沽壓加劇, 早前估計港股於春分(20/3)後就會好轉, 因為通常見頂回落, 調整4~6個星期就會止跌回升, 到春分就剛好4個星期, 但中概股突然洗倉.大媽撤資以及內地股市下挫, 就俾淡友成功反擊, 結果港股調整了5個星期才轉勢向上, 順道推高結算價

美元美債高企不下, 人民幣弱雞, 國指收陰收升, 走勢欠佳, 不過3月已成定局, 上証亦止跌回升, 港股不應破底, 目前港股由好友主導大市, 加上老外及大媽齊齊掃貨, 利好港股

QQ沽壓未除, 升穿$620往往企唔穩, 今日衝高回落, 倒跌收場呈陰燭, 跑輸大市, 港股沽空連日急增是後患, 按照慣性走勢, 今次中港股市反彈浪明日係水尾, 理應收跌, 等4月開新局才定後向

月尾6天多數係3升3跌, 如今係3升2跌, 3月尾尚欠1日跌市, 呢幾日好友推高結算價, 恒指連續4日收陽燭, 要留意當恒指收陰燭就係淡友反擊訊號, 明日係跌市高危日, 31/3黑期結算塵埃落定就要小心

淡友真係俾道指激死, 美股牛氣沖天, 昨晚道指一插即彈又倒升, 受道指及恒指差距帶動, 恒指就被道指拉番上山, 今日恒指補漲來收窄兩者差距, 舊經濟股回氣, 又輪到炒新經濟股, 科企竟然無懼美債息急升, 大鱷真係神級, 不過美期下跌, 拖累午後港股升幅收窄, 美債息雖然急升, 但亞太區股市普遍造好, 並非港股獨升, 可能係受基金季結粉飾櫥窗買盤所推動

美元高企, 人仔續跌, 美債息急升去到1.75%關口, 理應利淡大市, 但老外掃滬A股, 港股期指結算, 基金季結粉飾櫥窗, 恒指連升3天, 挑戰28600~28900阻力區打回頭, 今日升市美中不足是成交細

大媽今日掃貨, 係升市功臣, 大媽仍然心繫29000穿梭的日子, 唔想插得太深, 嚇到冇人入市接貨, 今日推高又派左唔少貨

{#icono0_51}{#icono0_51}{#icono0_51}{#icono0_51}{#icono0_51}{#icono0_51}{#icono0_51}{#icono0_51}{#icono0_51}{#icono0_51}{#icono0_51}{#icono0_51}{#icono0_51}{#icono0_51}{#icono0_51}

假期前後例牌大龍鳳.好淡通殺

31/3 周三恒指收28378, 跌199點, 結束三連升

科企好.港股好

貼價牛瘦熊肥, 28300牛 VS 28800熊, 28300只有小牛, 28800樓上每百點都有肥熊, 以周及月波幅計, 4月會再挑戰28800~29000, 3月港股跌浪係由科指帶動, 今日科指逆市造好, 係利好訊號, 只要科指企穩, 港股就不會深潛, 當科企見頂回落, 港股就彈完

按照慣性走勢今日恒指應收跌, 又真係收跌, 按照慣性走勢本周恒指應收升, 即係明日會反彈, 因為如收跌, 就打破了跌一周例彈的慣性走勢, 明日(周四)關鍵位28336/10966, 如能收於其上, 代表好友已奪回主導權

今日港股雖然收跌, 但未必係向淡, 由於今日係3月最後一天, 有可能係大鱷部署4月的佈局, 早前講過今日最好壓低收, 可降低4月收升的門檻, 大鱷跟足元帥指示, 今日收28378, 跌199點, 冇嘔突昨日的升幅, 向好勢頭仍未破壞,

27505(3月低位) + 1000~1200點反彈幅度 = 28505~28705

如能收28700之上, 俾多500點 = 29200

人民幣結束連跌8日的弱勢, 升111點子, 人仔止跌回升, 利好中港股市, 港股技術走勢已好轉, 今日港股沖高回落, 倒跌收場, VHSI恒指恐慌指數理應急升, 但卻是下跌1.19%, VHSI不升反跌可能代表港股跌勢喘定, 會有反彈

~~~~~~~~~~~~~~~~~~~~~~~~~~~~

QQ底頂上移

今日跌市但測市指標並未轉弱, 指標股QQ上升, 守得住過去幾日低位, 底頂上移, 今日收升, 走勢改善, 帶動科指造好, 多隻科企走勢亦好轉, 在美上市中概股回穩利好QQ,

按照大鱷大媽的習性, 4月會升穿今日高位28802, 亦會上企29000, 今日高位一瞬即逝只係試水溫, 俾時間淡友熊熊入局, 4月開新局, 會有新的波動區, 只要上証守得住3400, 又或者上破3450, 好友就有藉口托住港股來派貨

月尾6天恒指多數係3升3跌, 今日收跌, 剛好符合呢個慣性走勢, 明日4月開新局, 好友要反擊, 因為10天線在28420, 今日收28378, 上周五收28336, 20天線阻力在28700水平, 如能突破或收28500之上, 代表好友主導大市,

多隻在美上市的中概股止跌回升, 利好QQ及一眾科企, 今日科指收升, 代表市場風險胃納改善, 只要穩住科企, 就可穩住港股, 上証如能突破3450阻力位, 港股上升動力就會增強, 今日老外大手沽出A股, 拖累上証收跌, 明日滬深股通關閉, 老外冇得沽貨, 利好內地股市

最新回應

soho*
soho* 2021/04/21

雞煲, 好友周一冇食胡, 今次真係 [柯篤茄] "點算好"

C6, 唔好博反彈呀! 未見頂前要做好友, 見頂後就要做淡友,

A股唔撐得幾耐, 因為過去幾日A股大升係靠老外掃貨, 如今老外走貨, A股就危危乎

soho*
soho* 2021/04/21

黑天鵝

我擔心周一(19/4)高位29319已見頂, 月尾會破底來擴大月波幅,

周一殺上29319我已經覺得好奇怪, 點解19/4咁早就破頂升到這麼高, 因為好難撐到月尾, 如今看來係好友推上去食胡

周一爆上29319時已說買跌空間大過買上, 亦已預告恒指通常升2~3天就轉向, 加上昨日是穀雨變盤日, 昨日國指已率先收跌, 恒指就梗係要跟

今日恒指三連升斷纜, 跟足慣性走勢

28000~28500有肥牛近二千張, 具吸引力

過去三個月每逢月尾例插

今日裂口大插, 遺留下跌裂口28778~28885有待回補

過去20年4月份恒指有85%機會收升, 15%機會收跌, 我擔心係15%中, 因為有好多黑天鵝, 所以4月就算係收升, 幅度也不會多, 上月收28378

黑天鵝事件網誌已詳述

試下學下
試下學下 2021/04/21

門大師放我一馬好吾好😭😭😭🙏🙏🙏

soho*
soho* 2021/04/21

我地搵門師兄出來幫手造淡, 港股下殺危機未除, 牛牛命危