6月開局急升後見暗湧

2021/06/01 21:29:19 網誌分類: 經濟

01 Jun

港股高處不勝寒, 利淡訊號湧現

1/6 周二恒指收29468, 升316點, 連升3日

~ 5月初黃金周復市後大媽連日走貨, 拖累恒指連跌3日失守28000, 不過當恒指於11/5低見27910大媽就開始日日大手掃貨(當天上証見底3384), 大媽一路密密入貨, 不過由5月尾就開始出貨, 係一路推升一路沽貨, 上破29200後走貨特別多, 近來不斷掃入QQ及美團係為了托市, 掩護出貨, 大媽掃貨利好, 大媽走貨利淡

~ 由於周五(4/6)港股成份股調動, 估計周三四五(2~4/6)沽壓會增加, 今日港股爆升, 可能係好友想推高大市來預留未來幾日的回調空間, 趁內地股市造好, 乘機推港股上山就食胡

~ 由21/4起恒指每次低開就係低收, 未見過倒升, 如明日恒指低開, 就係淡友反擊訊號

~ 港股每個星期多數有兩個方向, 好少走單邊, 周初大升, 就要慎防周三四五回吐, 港股升勢過急, 累積龐大升幅, 淡友等藉口殺跌, 愈接近周五, 沽壓就會愈大

~ 大鱷不愛炒單邊, 每一浸大浪通常係1000~1500點就轉向, 如此一來就可以好淡通殺

~ 近來收市U盤係日日踢高, 反映港股仍由好友主導大市, 只要回吐少過200點, 代表好友健在, 如大跌超過200點, 就代表淡友已奪回主導權

~ 反映經濟的波羅的海乾散貨指數連升多月後, 於5月初見頂3266後愈跌愈急, 目前已跌穿2600, 仍未有見底跡象, 預示股市危

~~~~~~~~~~~~~~~~~~~~~~~~~~~~~~~~~

中港股市隨時作出調整

~ 過去3個月恒指每浸升市多數係2~3日就回吐, 只係試過一次連升4日, 目前已連升3天, 代表大市即將回吐

~ 由14/5見底27715展開反彈浪以來, 每次跌一日即彈, 跌幅少過150點, 當打破呢兩個慣性走勢(例如連跌2天, 跌幅多過150點), 就係轉勢向下訊號

~ 一般來說, 每周恒指升或跌多數係2~3日, 就算係單邊市都會跌1日, 不會全周日日升, 目前本周已升了2日, 按照慣性走勢餘下3日不會全升, 最少跌2天, 甚至跌3天, 要估算哪天下跌來部署買賣,

~ 昨晚美股假期休市, 冇左ADR制肘, 大鱷冇皇管就博大霧玩爆升, 今晚美股如果表現欠佳, 明日港股就要嘔, 急升的後遺症就係急跌, 點升上來就點落番去

~ 債息及通脹敏感的科指連升2天, 但外圍唱緊通脹升溫, 美國十年期債息隨時會再走高, 到時科企又會再反艇, 要做好防風措施

~ QQ連日急升, 今日收$628, 係推動港股爆升的主力, 皆因內銀內險走弱已廢了武功, 大鱷大媽只好全力推高QQ, 不過回顧5月份, 每次QQ衝上$620都企唔穩碌番落山, 當QQ見頂, 港股就會反艇

~ 本周港股一路升, 但VHSI恒指恐慌指數卻連升2天, 代表港股有暗湧

~ 本周五港股成份股變動, 相關股份會有異動, 未來幾日減比重的股份沽壓會湧現

~ 過去兩個多星期沽空持續高企, 累積空倉龐大, 空軍正在部署反擊, 隨時會失驚無神大插插

~ 今日恒指高見29480, 突破3月高位29405, 下一個阻力大位在29500及29596, 如受阻而回, 以600~1100點周波幅來看, 就要下試29000.28800.28500.28300....

~ 多隻急升成份股及大市都超買, 高處不勝寒

~ 大鱷大媽擅長營造氣氛, 連日上攻後, 全城看好向上望, 高唱30000.30500.31000, 不要被大鱷牽住鼻子走, 逆向思維, 慎防大鱷變臉下殺好友, 落山屠牛

~ 期權分析師稱6月係好倉底, 不過我認為問題係5月收得太高(31/5收29151), 30/6收於其上係極高難度, 回顧5月人人看淡, 結果破底創2個月新低後5月卻是收升月, 6月亦有可能破頂但卻是收跌月, 不過目前6月剛開局, 不宜太早下定論,

~~~~~~~~~~~~~~~~~~~~~~~~~~~~~~~~~

人民幣見頂回落.利淡中港股市

~ 阿爺既出招亦出口術遏止人民幣升勢, 人行由6月15日起，將金融機構外滙存款準備金率由5%提高到7%，以壓制人民幣短期升勢過急，人仔結束連續8日升勢, 收跌152點子, 其實人仔太強唔係好事, 不利中國製造業出口貿易

~ 本周恒指一路上攻, 但內銀內險早已見頂回落, 大鱷大媽咬住指數, 托沽味濃

今日港股創6月新高, 但內銀內險早已於5月尾見頂回落, 內銀內險見頂, 會削弱港股上升動力, 代表呢浸已升到水尾, 要回調整固, 消化沽壓

~ 今次由27715急升重上29000, 一路大舉屠熊, 按照慣性走勢, 當牛牛上移及養肥, 就係港股掉頭向下之時, 近日新出世牛牛已上移至29000附近, 代表港股隨時會大插屠牛

~ 今日上証高見3626.07, 剛好觸及上月頂部3626.36, 上証能否向上突破抑或打回頭係港股升跌關鍵, 再上3650阻力就更大, 如打回頭, 就要向3550.3500....進發, 只要守得住3550, 港股就不會深潛, 支持區28000~28500

由於H股升跌受A股帶動, 所以中港股市多數係同一方向, 當上証見頂回落, 港股亦要落山, 港股不能獨自去偷歡, 就算夾硬升都走不遠

~ 阿爺不但打壓人民幣升勢, 亦繼續出招監管QQ美團等新經濟企業, 亦推出調控內房政策, 利淡

~ 恒指今日高見29480, 剛好去到29500整數阻力位, 而國指高見10991, 亦同步去到11000整數阻力位, 整數關口沽壓會大增

~ 月初趁大市衝上山造淡勝算甚高, 因為無論該月收升抑或收跌, 都係月初先上衝, 然後落山尋底

~ 道指恒指差距已大幅收窄至約5100點(4月差距為5400點), 追落後已超標, 美股高位已露疲態, 只要美股掉頭向下, 就會拖低港股

${#icono_71}$ ${#icono_71}$ ${#icono_71}$ ${#icono_71}$ ${#icono_71}$ ${#icono_71}$ ${#icono_71}$ ${#icono_71}$ ${#icono_71}$ ${#icono_71}$ ${#icono_71}$ ${#icono_71}$ ${#icono_71}$ ${#icono_71}$

港股見頂回落, 轉勢向下, 連升斷纜利淡

2/6 周三恒指收29297, 跌170點,

今日恒指雖然只係收跌170點, 不過卻是14/5觸底回升以來最大跌幅, 係淡友反擊訊號, 港股仍未脫險, 沽空高企, 後市危, 今日收29297, 未能大幅拋離上周五收市位29124, 預示本周收跌機會大, 因為未來兩日港股受港股季檢調動拖累, 相關成份股沽壓會大增, QQ見頂回落, 代表港股亦見頂

28/5~1/6連升3日亦不要太樂觀, 誤以為跌唔落, 因為通常係連升後就會急挫, 今日跌170點仍未跌夠, 由於上証高位已露疲態, 如見頂回落, 兩地股市同步的話, 恒指就要插穿29000來擴大周及月波幅

連升斷纜利淡, 恒指結束三日升勢, 見頂29490掉頭回落, 由尋頂改為轉勢向下尋底, 今日港股見頂收大陰燭, 係強烈利淡訊號

今日高見29490, 仍受困於28500~29500的波動區, 雖然升穿4月高位29405, 但未算真突破, 向上29500.29596阻力非常大, 今日牛牛突然大幅增加, 小牛在29200, 肥牛在28700, 有下殺誘因

物極必反，VHSI恒指恐慌指數今日收16.9, 52周低位在16.11(高位在33.02)，隨時會反撲, 預示港股會有震盪, 不會一路殺上去, 日前已表示今次港股重上29000我一路減磅，因為超級血月之月食(26/5)+水星逆行(29/5~22/6)+日食(10/6)，陰氣重，會有後著，大市有暗湧, 指數升但唔少股份卻向下走, 6月會係好淡通殺的月份, 好難一直守住29000, 點都要下試28500, 淡友今日已出手反擊, 跌勢未完

5月中港股止跌回升, 皆因人民幣突然轉強, 內地發行港科企ETF, 北水掃科企, 推動科指急升重上8000大關, 加上月尾MSCI成份股變動, 被動買盤掃A股, 三大利好因素推動恒指重上29000, 上証亦接連上破3550.3600阻力大位, 問題係,目前一眾利好因素已逆轉, 人民幣轉弱, 內地發行港科企ETF掃貨盤或已屆尾聲, MSCI成份股變動完成, 買盤消失, 即係中港股市跌得

土耳其總統認為必須減息, 拖累土耳其里拉急挫至紀錄低位, 以往每當新興市場貨幣出事, 大鱷沽股套現避險, 港股多數捱沽, 因為每當匯市有震盪推高美元, 人民幣就會反艇, 中港股市就會急瀉

一般來說, 沖頂打回頭由高位嘔600~800點就會反彈, 如有重大利淡消息就要插1000~1200點才會彈

29490(短頂)-600~800點=28700~28900(6月首周回吐目標)

~~~~~~~~~~~~~~~~~~~~~~~~~~

本周一二我仍看好大市, 結果今日創新高29490, 不過昨日收市後我已轉為看淡本周, 目前恒指.國指.科指表面上收升, 但其實係虛火上升, 根基不穩, 睇下四大板塊的周線(累計本周一二三)表現, 當中三大板塊大幅下跌, 形勢不妙, 只係靠科指托市, 恒指恐慌指數大幅上升, 係利淡訊號, 假如本周恒指收跌, 周五(4/6)就會收29124之下, 周線兩連升斷纜:

恆生指數 +0.59%
科技指數 +3.49%
港中企業 -1.50%
國企指數 +1.47%

金融分類 -2.04%
公用分類 -1.53%
地產分類 -1.18%
工商分類 +3.35%
波幅指數 +4.00%
恆生A股行業 -0.55%
恆生內銀 -0.94%

${#icono_71}$ ${#icono_71}$ ${#icono_71}$ ${#icono_71}$ ${#icono_71}$ ${#icono_71}$ ${#icono_71}$ ${#icono_71}$ ${#icono_71}$ ${#icono_71}$ ${#icono_71}$ ${#icono_71}$ ${#icono_71}$ ${#icono_71}$ ${#icono_71}$

港股高開低收, 單日轉向呈大陰燭, 繼續尋底屠牛

3/6 周四恒指收28966, 急跌331點, 連跌2天, 失守10及100天線

到今日為止, 周線國指科指仍收升, 不過睇走勢本周恒指收跌居多, 按照慣性走勢多數會在周三四五創本周新低, 預示明日會插穿今日低位28902來擴大周波幅

${#icono_72}$ ${#icono_72}$ ${#icono_72}$ ${#icono_72}$ ${#icono_72}$ ${#icono_72}$ ${#icono_72}$ ${#icono_72}$ ${#icono_72}$ ${#icono_72}$ ${#icono_72}$ ${#icono_72}$ ${#icono_72}$

港股急跌秒殺肥牛即彈, 收窄跌幅呈陽燭

4/6 周五恒指收28918, 跌48點, 連跌3天, 繼續尋底屠牛

本周一高見29490見頂回落, 尋底市底頂下移每周有新低, 本周高低位28738~29490, 下周就要破底來擴大周及月波幅, 港股走勢跟上証及滬深, 要特別留意內銀內險A股表現, 近來沽壓沉重, 亦未必跟上証升, 如內地金融股走弱, 就會拖低港股

今日港股季檢成份股變動, 下周一仍會有影響, 指數基金於今日及下周一就要完成倉位調動, QQ友邦匯控等減比重股會受壓, 震埋下周一, 就要看下周二港股能否回穩, 如續跌, 28500就危

由下周一起, 騰訊.友邦.匯控.美團.阿里巴巴恒指權重佔比合共約40%, 即係由五大天王定港股生死, 一向跟Tesla大上大落的比亞迪加入成份股, 一眾成份股變動亦會令港股波動性加劇, 令大鱷更易好淡通殺

港股連日下跌失守重要平均線, 技術指標已轉弱, 不過科指已連跌3日, 過去兩個月科指三連跌例彈, 港股亦連跌3天, 通常升跌2~3日就彈, 最長係五連跌, 如下周一打破慣性走勢續瀉代表好友本周初已閃

14/5低見27715反彈以來, 5月下旬恒指跌1日例彈, 係尋頂格, 不過踏入6月份, 於2/6見頂29490後就連跌3天, 打破了一跌即彈的利好勢頭, 進一步確認港股已經由尋頂市變為尋底市, 以周及月波幅來看, 28500未必守得住

牛熊分布: 29150~29500只得小熊, 肥熊在29500阻力位樓上, 肥牛在28700, 向下級級有肥牛, 有下殺誘因

港股一插即彈，收市U盤走高，收窄跌幅, 可能係大鱷大媽淡友入貨回補空倉，佢哋估計今晚美股會彈高, 因美元及美國十年期債息回落, 利好股市,

貼價牛肥熊瘦亦會拉住港股後腿, 肥牛在28700樓下, 有下殺誘因

向上阻力: 29100, 29300~29500

向下支持: 28500~28700(20.50.60天線), 要看好友能否守住28600關鍵大位, 如收於其下後市危

國指科指本周收升, 按照慣性走勢下周就會收跌, 亦會拖低恒指, 踏入6月份, 恒指日波幅280~480點, 大鱷玩緊窒窒步跌, 一路養牛熊一路跌, 老外及大媽走貨係跌市元兇, ibond及ipo凍結市場資金, 導致港股成交萎縮

恒指恐慌指數VHSI不升反跌, 可能係因為今日的回吐係受季檢拖累, 並非走鬼, 跌完就會再上29000吻別, 不過QQ季檢減比重適逢高層減持消息, 雙鬼拍門, 利淡

正常調整由高位嘔600~800點就要彈, 要有重大利淡消息才會插1000~1200點, 今次由高位29490累計回吐753點低見28738, 達標, 大鱷做夠周波幅就收手, 預留多些下跌空間俾下周

港股四大指數周線兩升兩跌

恆生指數 -0.71% 連升兩周後斷纜收跌
科技指數 +1.73%
港中企業 -1.61%
國企指數 +0.11% 連升三周

不過以單日(今天)計, 科指跌幅最大, 皆因港股季檢QQ減比重, 昨日美國十年期債息升上1.63%水平, 拖低科企, 過去幾日內銀內險捱沽走低, 靠科企托市, 今日科企下跌, 內銀內險就負責撐市

半日收市前港股一度倒升, 係炒錯市, 傳聞阿爺降內地股市印花稅, 相關股份急升, 正午澄清係流料, 午後碌番落山

=====================

6月份:

31/5 美國陣亡將士紀念日, 金融市場休市, 港股夜期休市, 1/6港股自由行

股民申請 iBond 抽走市場資金

近來日日都有配股活動, 亦抽走市場資金, 影響港股成交

水星逆行(29/5~22/6)

有玄學家指出未來兩個月(5/6~6/8), 即立秋前金融市場特別動盪

6月首周華為新機發布會, 或會影響小米股價

恒指成份股變動於6月7日生效, 加入恒指新貴, 而騰訊.友邦.匯控等權重股將面臨削減比重, 4/6當天成交會急增, 呢兩日都係大龍鳳的高危日

6月21日富時指數調動

10/6 日食

16~17/6 聯儲局議息, 股匯債會再起風雲

6月尾基金半年結, 或會粉飾櫥窗

7月1日是中國共產黨成立100周年, 中港股市或會有維穩盤, 急插亦會急彈

美國將發布新行政命令, 禁美企買賣59家中國國防或監控技術企業股票

${#icono0_52}$ ${#icono0_51}$ ${#icono0_52}$ ${#icono0_51}$ ${#icono0_52}$ ${#icono0_51}$ ${#icono0_52}$ ${#icono0_51}$ ${#icono0_52}$ ${#icono0_51}$ ${#icono0_52}$ ${#icono0_51}$ ${#icono0_52}$ ${#icono0_51}$ ${#icono0_52}$ ${#icono0_51}$ ${#icono0_52}$ ${#icono0_51}$ ${#icono0_52}$ ${#icono0_51}$