6月尾港股轉勢向下

2021/06/30 21:42:31 網誌分類: 經濟
30 Jun

失守29000後跌勢加劇, 假期前後例牌大龍鳳

30/6 周三恒指收28828, 跌166點, 見頂後連跌3天, 繼續尋底屠牛

今日收市U盤成交急增至$134億(平時多數係$60~80億), 而且係臨收市跌勢加劇, 創全日低位, 收市U盤跌幅擴大, 由18/6起內地股市每日成交都有10100~10730億元人民幣, 但過去兩日成交卻下降至不足萬億, 又缺水?

6月尾內地銀根緊張, 人行於6月尾放水, 內地股市借勢反彈, 問題係半年結後, 7月初會不會收水呢? 大量牛牛飛撲入市博反彈, 牛肥熊瘦, 下殺危機未除, 美元強, 人民幣.港匯弱, 上周港股虛火上升, 推高結算價, 結算完就散水

老外大媽齊齊沽A股及港股, 假期冇得走貨, 2/7復市又會再沽過, 利淡中港股市, 港股已失守重要平均線, 淡友已奪回主導權

6月係細波幅的維穩hea月, 按照慣性走勢7月就會係大波幅, 估計會跌穿6月低位28216/10469來擴大月波幅, 大方向要插穿1月低位27079來擴大年波幅

6月維穩的因素已消失, 踏入7月, 托市的無形之手收工, 匯市形勢以及測市指標全面利淡, QQ未見底, 港股亦未見底,計今個星期港股周線會收跌, 按照慣性走勢周三四五會創周內新低, 即係周五復市會插穿今日低位28827

上周港股收升, 本周一見頂後已轉尋底市, 牛肥熊瘦利下殺, 多隻指標股已經落到28300的水平, 並不符合恒指處於28800水平, 股份表現具啟示作用, 通常係先行一步, 預示港股會下探低位, 一如早前所說, 當上証失守3550, 港股就危, 港股窒窒步跌係震熊引牛

內銀洗倉式下跌除了因為人民幣走弱外, 另一個原因係除息後好息之徒沽貨鬆人, 內房債務危機持續拖累內銀內險股, 7月開新局造淡係正路, 因為收升月多數係該月上旬創月內新低, 即係要先尋底, 假如係收跌月, 造淡亦冇錯, 因為5~6月都係上旬反艇

第一季港股見頂, 跌下彈下扮跌唔落, 隨後幾個月係溫水煮蛙式派貨, 睇圖港股第一二季底部上移, 走勢似係向上, 不過我反而懷疑係大媽托沽以及6月維穩盤扭曲了走勢, 其實趨勢向下, 因為睇股份表現並不吻合指數在現水平, 唔少指標股今日收市位等同早前恒指在28300水平, 表現差劣, 托沽態度明顯

{#icono_71}{#icono_71}{#icono_71}{#icono_71}{#icono_71}{#icono_71}{#icono_71}{#icono_71}{#icono_71}{#icono_71}{#icono_71}{#icono_71}{#icono_71}{#icono_71}{#icono_71}

港股洗倉式急瀉, 見頂後連跌4天, 繼續尋底屠牛

2/7 周五恒指收28310, 暴跌517點,

老外大媽積極沽貨走鬼, 中港股市急瀉, 連插四棍有災味, 沽空急增, 後市不妙, 牛肥熊瘦(79%牛 VS 21%熊), 下殺誘因大, 淡友本周已奪回主導權, 今日低見28231, 基金經理睇短線會見28000~28200, 即係要插穿上月低位28216來擴大周及月波幅, 如屠牛後仍彈唔起, 就要向27715.27505.27079....進發

美國打壓中企禁美資買賣, 美資急忙於限期前大舉沽出中概股, 在美上市的中資股往往一彈就散, 沽壓沉重, 今日國指低見10390, 已率先插穿6月低位10469, 向5月低位10279進發, 看來恒指亦要下試5月低位27715

6月份中港股市維穩期已結束, 踏入7月, 阿爺再收水, 以及加強推出監管網絡措施, 利淡中港股市, 美元強勢升穿92.5後回落, 人民幣弱雞五連跌, 美元回軟或有利下周初人仔反彈, 要特別留意弱雞的內銀內險A股, 如續瀉利淡港股, 下周上証能否守住3500是關鍵, 6月上証低見3503即彈, 如上証失守3500港股就危, QQ未見底, 港股未見底,

最新回應

水滴石穿
水滴石穿 2021/07/30
@soho*...

元帅,你平时炒开哪些A股ETF? 

A50, 沪深300,还是创业50?

門徒
門徒 2021/07/30

死火走出横行勢添 {#iconb_625}

soho*
soho* 2021/07/30

史哥又話轉勢反彈行12天不要被動搖, 但說好的12天反彈浪 VS 反彈結束

前後矛盾, 即係點?

門師兄又牛又熊, 好忙

下周一港股加印花稅, 高頻交易及大媽大鱷炒作手法會有何改變, 真係唔識估

早已說過好邪門, 大鱷吼實政府派錢, 股民左手交右手, 嘔突, 俾晒大鱷

門徒
門徒 2021/07/30

再熊返 {#iconb_625}