20~21/7 27000攻防戰.醞釀反彈

2021/07/20 23:07:34 網誌分類: 經濟

20 Jul

港股急挫秒殺肥牛即彈

20/7 恒指收27259, 跌230點, 連跌兩天

昨晚美股災難式下挫，正路港股會大裂口暴跌落27000，但港股只係小幅低開報27359，托市手影明顯, 原來係藥明生物配股套現約110億元, 所以大行撐埋今日

唔少股份洗倉式下挫, 股份跌幅大過指數跌幅, 托住指數來派貨及養牛熊, 不過午後港股創即市新低, 多隻指標股都由低位拗腰上沖, 收復唔少失地, 是否淡友回補空倉? 買盤於250天線入市或補貨嗎? 回顧9/7恆指隊穿250天線就急彈, 今次會否歷史重演呢? 如果今次彈唔起就要破底

道指34000/納指14200都係大位，淡友可能擔心今晚美股反彈，恆指由高位插了1100點短炒淡友亦夠水位食胡，過去5日夜期都係收低水, 但今晚夜期收高水, 預示明日港股會高開, 能否高收就要看美元及QQ表現, 今晚美元強爆, 曾升至93.161, 滬大媽狂沽QQ, 利淡大市

27500~28000熊熊呢兩日剛出世, 等熊養肥大市就會反彈/後抽, 至於會否先插穿27000才彈, 抑或先彈再插就要看上証及美股表現, 今日滬大媽大手狂沽QQ, 但深大媽就小注買QQ, 老外大手掃A股, 怪不得上証一插即彈, 又收復失地, 老外大手掃A股必有後著

~~~~~~~~~~~~~~~~~~~~~~~~~

12/7 茅台低見1940.5, 19/7 低見1941, 冇破底, 過去兩周茅台多次插穿1950都拗腰上, 穩住了內地股市氣氛, 茅台於內地股民心目中的地位猶如騰訊, 茅台連升兩天, 上証連續兩日都係一插即彈死唔去, 收復大部份失地, 上証連跌3天, 有望作出反彈,

周三四五係港股創新低的時間窗口, 預示明日港股會繼續尋底, 要港股五大天王止跌回升, 港股才能作出反彈, 至於好友能否守得住27000就要看上証表現, 近來上証有無形之手一直守住3500水平, 今日低見3509即彈, 真係好神奇, 今個月每次落到3500附近例牌彈上3520樓上收,

大鱷睇住來食, 昨日恒指低見27397後急彈上27489收, 扮守得住27400來引牛入局, 昨日27000~27400新增BB牛約1200張, 該水平合共有牛約1900張, 今日再插水, 低見27121, 27000~27400大部份肥牛陣亡, 要肥牛歸西, 熊熊下移, 大市才會轉勢向上

假如昨日一棍直插800點, 大鱷就食少好多牛牛, 大鱷分開幾日來插, 一路養牛一路殺, 26800~26900牛牛愈養愈肥, 上次港股大成交暴跌創新低26861, 斬倉止蝕盤出籠, 淡友食胡, 才能觸發反彈, 今日成交細即係好友未投降, 未見底, 預示明日會插穿今日低位27121

${#icono0_51}$ ${#icono0_51}$ ${#icono0_51}$ ${#icono0_51}$ ${#icono0_51}$ ${#icono0_51}$ ${#icono0_51}$ ${#icono0_51}$ ${#icono0_51}$ ${#icono0_51}$ ${#icono0_51}$ ${#icono0_51}$ ${#icono0_51}$ ${#icono0_51}$ ${#icono0_51}$ ${#icono0_51}$ ${#icono0_51}$ ${#icono0_51}$ ${#icono0_51}$

港股急挫秒殺肥牛即彈, 收復失地

21/7 周三恒指收27224, 跌34點, 連跌3天, 反彈在望

周三四五係創周低位的時間窗口, 今日(周三)一如所料創本周新低26971, 27000附近肥牛陣亡, 但弱雞五連跌的科指今日卻冇創新低, 釋出利好訊號, 明日反彈機會大, 今日恒指高開, 係上周見頂28218回落以來首度高開, 插埋今日呢棍, 250天線失而復得, 恒指周波幅815點已進入達標範圍, 回顧9/7恆指隊穿250天線就掉頭急彈

大鱷愛好淡通殺, 所以好少全周走單邊, 多數有升有跌走兩個方向, 不會全個星期日日收跌, 預示港股反彈在望, 明日轉節氣大暑, 或會變盤, 殺完好友殺淡友

上周港股高見28218後掉頭急跌, 但昨晚已起了變化, 由上周二起, 夜期日日收跌, 但昨晚卻收升, 今早港股競價又真係高開(過去三日都係低開), 雖然插穿27000, 但一插即彈, 收窄跌幅, 幾符合夜期表現, 恒指雖然收跌, 但卻創今個月最細跌幅, 乾跌到尾聲, 代表大市正在醞釀反彈

大鱷咬住27200, 上下400點牛熊一齊養, 月尾上攻下殺都得, 未必單邊向下, 今日港股高開低收又彈散, 好明顯係引淡(因為不會全周日日跌), 27500樓上BB熊快高長大, 好友死心唔敢博反彈, 全城唱淡造淡, 大鱷會點做呢? 但其實呢兩日見淡友食胡及好友部署反擊的手影, 今日港股創7月下旬新低, 但多隻指標股都冇創新低, 反映今日係夾硬推低指數殺好友, 股份已經拒絕跌穿昨日低位, 低位有買盤承接, 沽盤縮

~~~~~~~~~~~~~~~~~~~~~~~~~

內地炒風熾熱, 創業板指數爆升2.78%, 帶動內地股市氣氛, 本周內地股市多個指數普遍收升, 上証向上突破, 高見3569, 略為升穿上周高位3567, 收3562, 升25點, 結束三連跌, 為今個月第三度收3560之上,

美元沖高回落, 人民幣轉強, 老外大手掃A股, 滬深股市有逾12000億元人民幣大成交配合升勢, 其實今個月內地股市成交急增, 阿爺靚仔, 係今日港股一插即彈的其中一個原因, 只係大媽繼續大手沽出QQ壓住大市

美股大牛市水浸市場, 繼續發揮急跌急彈的本色, 周一道指暴跌725點後絕地反擊, 周二急升550點收復大部份失地, 今日午後美元上企93.15後掉頭向下, 低見92.7, 美國十年期債息止跌回升, 利好銀行股, 避險情緒降溫, 匯市轉穩, 人民幣連升兩天