睇醫生真係要揀架
1. 揀地點: 附近有冇野食賣? 有時要等好耐,醫左肚先。
2. 揀姑娘: 揀有親切既姑娘既診所/醫院,就受少d氣。仲會多好多人關心你。
3. 揀非黑店: 有d診所/醫院成日有位俾人睇,點解? 可能效率高啦,又可能hea.....
4. 揀醫生: 有得揀都揾個有愛心既,唔係問都唔問,聽都唔聽,見你2分鐘以為一切搞掂。唔聽人講野既醫生,激到病人火滾。
今日睇醫生好唔開心,因為我用HA Go 預約左去油麻地普通科門診。我發燒嘛。要睇住個仔,今日趁佢返學約左9點15分。點知因為行錯路遲左5分鐘。普通科門診門口個大嬸唔識英文,唔知我出示既HA Go寫咩(因為我鐘意睇英文),我就要d時間又再登入返,去返有成張預約紙pdf果度俾大嬸睇。
醫生見我遲左嬲我? 入到去,見到佢同另一個同一醫院既醫生唔同,病人個位佢隔開左好多。之前個醫生冇離病人咁遠架。醫生潔癖又驚死?
然後我講我琴晚可能因為智慧牙蛀左,發燒,講返智慧牙未到期碌等等問題。我真係好唔想講野,醫生仲以為我吹水,以為我扮病搏醫生紙。講到中耳炎佢就cut停左我,話我亂拋垃圾?
原來有張紙巾嚮手袋跌左落地,係醫生檢查我隻智慧牙果陣我用黎抹汗既一張紙巾。我好想即時戴返口罩但醫生以為我擺紙巾果陣唔記得戴口罩。我話口罩有汗要換新口罩。就嚮果陣張紙巾跌左? 我絕對唔知張紙巾跌左。
佢好似以為我特登。以為我咁唔文明,亂拋垃圾? 大叔,我冇亂拋垃圾!
仲話我咁精神(訓左成日啦,琴日邊行到出黎睇醫生)唔似琴晚發高燒。有冇搞錯,佢唔信我做咩呢? 我都唔需要醫生紙,都唔需要請病假,只係發燒同頭痛耳痛,未講心臟痛,醫生已經俾左藥單我,仲話叫姑娘俾埋檢測樽我。
喂,我覺得未睇完醫生喎。中耳炎呢樣呢? 佢有冇記低? 好彩伊利沙伯醫院俾我既耳藥水仲有,下次一定返伊利沙伯睇。
仲以為唔使去急症室睇醫生會快添,唔快樂囉。
我情願等幾個鐘急症,有貼心既姑娘同醫生,問清楚,檢查清楚,連我既病歷都望下。伊利沙伯耳科醫生仲好好,我以前貧血佢都知呀。
唔想睇完醫生想死,真係要小心揀去邊睇醫生。