媽媽鐘意食咩?

我知我爸爸唔鍾意食奶皇月餅。

我知我姑姐鍾意食奶皇月餅。

咁我媽呢?

今日先知佢唔抗拒食，應該仲係鍾意食添。

點解只係因為我同爸爸唔鍾意而忘記去問我媽鍾唔鍾意?

我假設自己家庭除左姑姐之外唔食奶皇月餅......

但原來我問有冇人想食(因為朋友送)，我媽同哥哥都話可以一齊食，仲話雪凍先好味架。

哦。

本來仲覺得可能得嫂嫂鍾意食添。

哈.....

一個傳統家庭竟然令我假設全家鍾意食紅豆味，

其實係我同我爸爸鍾意食。

好似我諗野同事實好大出入喎。

點解咁既..... 咁唔了解我媽既......

為全世界既媽媽致敬。因為，仔女鍾意咩，會有人記住。媽媽鍾意咩，可能冇人記得。

....。