睡眠問題

2021/09/06 02:08:08 網誌分類: 健康
06 Sep

由9歲開始意識到自己有睡眠問題,幾早去訓都可以訓唔著。個仔亦一出世有睡眠問題,直到小一令佢好倦,開始有固定既作息時間。

即係話,個仔已經冇睡眠問題。不過小一前果6年,我點照顧佢呢? 就係自己冇得訓。有排因為太倦,易左訓添。

依家個仔準時訓,我又訓唔到啦......

下午去左打疫苗,第2針。

應該會倦? 有倦,不過同平時一樣倦。冇點做家務,而且俾時間自己睇書。

然後隻手少少痛咁,唔太痛。

牙痛比較勁,咪又係智慧牙囉。蛀到神經線未排到期碌。之前有快期又為左同個仔整本超靚既暑期記趣,冇去碌。暑期記趣要影好多相,如果碌牙影親子相就唔靚!難得暑假有得去海灘.......

平時太倦太痛,打針真係唔覺痛。

今日食野仲放肆左,因為要獎勵自己。依家我瘦過生仔之前,仲唔獎自己,等幾時。

高糖份既野幫自己補充血醣,高熱量既野幫自己補充熱量。汽水、薯餅,好犯規呀。

夜晚以為夠倦訓到,又係一點幾餓醒。仲要食止痛藥(牙痛慘過大病),唔係一定訓唔到。

朝頭早先唔食呀,忍到。做家務就可以忘記。

無印同大創既日本媽媽收納法,好吸引!

仔仔越大越需要擺書既空間......

所以我話冇點做家務,其實有,我執書呀! 執輸行頭......都冇訓晏覺。

咁都餓醒...... 如果我好似其他人咁易訓,長眠不起就好啦。聽日個仔又要返學,好彩燒餅放假。

回應 (2)
我要發表
ivina
ivina 2021/09/06 15:42:23 回覆
@淺雪...

可能我地聰明呀。

以前揾社工求救話我個仔唔訓,社工話可能腦神經元發達,係聰明既特徵。個腦停唔到。

😅

淺雪
淺雪 2021/09/06 13:26:17 回覆

我的睡眠質數也很差..一晚睡3.4個鐘度啦..我早上床睡..一到零晨3點鐘無法再瞓得番..

很苦惱..在床上碌來碌去等天光..

user

最新回應

淺雪
淺雪 2021/09/19

可能是 2 人和顯示的文字是「中秋節就要到來 祝賀大家 老少團圓 齊聚家園 和和氣氣好人緣 温温馨馨幸福圓 中秋節快樂」的圖像

淺雪
淺雪 2021/09/17

有時我都同自己講,,錢之嘛..用左可以搵番..不要難為自己.

wongi
wongi 2021/09/16

哈哈,送上星星,照亮“錢路”。

ivina
ivina 2021/09/14
@淺雪...

唔鬧得,會自殘。

唔打得,會報警。

唔逼得,會對立、反抗。