樂觀面對逆境 2
2008/06/12 01:16:14
網誌分類:
生活
最近大雨, 一些海味鋪, 損失成百万, D鮑魚一隻隻隨水飄, 魚翅燕窩浸到濕晒ｏ真係喊都無謂ｏ
近日禽流感又出現, 又要狂殺鷄隻, 每隻鷄政府有得賠30元, 但鷄販依然損失慘重, 又係屬於喊都無謂個類ｏ
有一次海面紅潮, 漁排養D魚全部瓜清, 真係喊都無謂ｏ
隨手拈來, 已經是很多無端端飛來的橫禍ｏ
至於有D唔好彩溉, 住係個開煤氣自殺嘅人隔離, 有人一按鐘, 連隔離屋D人都爆死埋, 你話係唔係黑過墨斗？
又試過有個老婆婆, 行行吓街, 樓上有人跳樓, 一嘢壓鬼死佢！唉！真係無辜辜也ｏ
人生有時唔好彩, 在所難免, 黑到瓜鬼咗, 就無話可說ｏ如果仲有條命, 即是人生仲有希望也ｏ
話說春秋戰國時, 有個叫張儀的人,佢係一個說客, 佢未發時, 参加一個酒會, 有人將件宝物傳出去大冢欣賞, 豈料傳到佢手, 突然燈黑晒ｏ（真係黑過墨斗）宝物唔見咗, 主人就話張儀同人夾計鼠咗, 打到佢死死吓, 仲將佢丟入毛廁自生自滅！
有個老友好心救番佢ｏ佢返到屋企, 佢老婆就媽义佢, 怨佢四圍去遊說, 差D攪到連命仔都冇埋ｏ
誰知張儀就伸條脷出泥, 問佢老婆, 條脷有冇爛？
佢老婆以為佢SHORT鬼咗, 張儀就笑笑口話 就憑我呢條三寸不爛之舌, 將來一定給你帶來榮華富貴！
果然日後, 張儀遊說秦王成功, 做了秦國的相國！
（呢個故事就係教導我地: 做人要樂觀地去面對逆境ｏ明𠕇？）
A sad but very serious issue we should face it, but I believe even today, so many governments and people still not that open to accept and ready to review this idea/issue! So even though our technology flies, human being's morale standard and mindset couldn't follow the pace at all.