9~10/12 港股不進則退.好淡通殺

港股連日急升沽壓湧現, 明日跌市高危日

9/12周四恒指收報24254, 升258點, 連升3天, 大舉屠熊

即市波幅急降.大龍鳳先兆

今日高見24324, 收24254, 剛好去到史哥所說的關鍵位24348, 亦去到元帥所說的24200阻力位, 更進入了26/11暴跌的大陰燭內, 20天線在24400附近, 阻力非輕, 不進則退, 向下大位24000.23800.23766.23681.23500.23315.23175.23000.22500....當收市下跌超過200點就係轉勢向下訊號, 本周由好友主導, 明日要畫周線, 理應力守24000.23800, 明日亦係月供股票日, 亦係大鱷本周一路推高港股來派貨的其中一個原因, 按照今年港股周線的慣性走勢, 今個星期係收升周, 明日會收23766/8455之上

恒指一般周波幅900~1200點, 到目前周波幅千點已達標, 夠水位俾大鱷轉身, 獲利沽壓隨即湧現, 過去幾日港股炒反彈冇人吼避險股, 連續四日逆勢下跌的公用板塊今日突然收升, 代表港股升抵現水平避險情緒升溫, 基金經理陸續提早收爐, 踢高沽貨埋年結, 又或者換馬優質舊經濟股, 以降低持倉風險, 內地股市強爆, 國指走強, 周一港股大插後拗腰向上, 技術指標改善, 下周三降準

比亞迪逆市下跌, 其實自從10月迪迪見頂後, 莊家就陸續沽貨撤退, 其後不斷跌下彈下來派貨, 不少股民坐艇, 美團.阿爸.QQ及港交所齊齊去到阻力大位打回頭, 指標股腳軟的話, 港股就要落山, 恒指每周通常升跌2~3天, 如今係3升1跌, 尚欠1日跌市, 明日有周末沽壓效應, 收跌機會大, 下周初議息前好友會踢高食胡鬆人

老外繼續大舉掃A股, 資金凈流入多得驚人, 罕有地高達260.22億元人民幣, 究竟係因為人民幣強勢, 抑或有其他原因呢? 例如傳聞的降低中美關稅, 推動上証連升3日爆上3688, 今日收3673, 升35點, 不過升勢過急, 3700阻力非輕, 如內地股市回吐就會拖低港股, 港股有阿爺撐腰, 呢兩日港股空軍沽空明顯收斂, 要等利淡消息及中美股市見頂回落才出手,

QQ創最細日波幅$471~474.4, 高低波幅只得$3.4, 大鱷點穴能力係超班, QQ冇莊家大手掃貨, 彈力不足, 雖然收升, 但連續兩日收陰燭, 唔靚仔, 過去5日QQ都冇上五大沽空榜首, 今日才霸番個頭位, 要沽空勁多才有誘因推升, 大鱷嫌QQ沽空唔夠多, 所以今日唔玩挾淡

由8月起(1/8~3/12)的星期五(或該周最後一個交易日), 6升12跌, 反映臨近周末獲利沽壓特別大

本周港股好淡通殺.牛熊齊陣亡

10/12(周五)恒指收報23995, 大跌259點, 結束三連升

~ 今日港股反艇, 恒指大跌超過200點係利淡訊號, 不過收市U盤大大力踢高, 收窄跌幅, 反映好友仍未肯放手, 不過向上阻力重重, 24400攔路, 10天線在23800附近, 如失守不妙, 23900有小牛

~ 收市U盤已是連續8日踢高, 代表港股正在尋頂, 當收市U盤走低, 係淡友反擊訊號

~ 恒指大幅低開184點後一度拗腰上, 早市高見24214後隨即掉頭急跌, 午後短炒淡友隊穿24000食胡, 低見23916(周三低位23907),

~ 今日係月供股票日, 有誘因推高派貨, 結果本周恒指連升3天, 今早再踢上去24214, 因為開市初段月供股票買盤進場, 入完貨, 淡友就出手隊港股落山

~ 上証收跌7點, 收3666, 結束三連升, 與港股同步尋頂, 同步回吐, 上証向上阻力3700, 當上証見頂, 港股亦要跟住落山

~ 下周二三聯儲局議息前好友要盡量推高港股來食胡,

~ 以大鱷的胃納, 以及周及月波幅仍未達標來看, 本周高位24324不會是12月大頂, 仍會有新高, 恒指阻力在24400~24600, 淡友不會輕易放手, 要留意當上証見頂, 港股亦走不遠

~ 今日港股回吐, 在24000穿梭, 俾時間貼價牛熊出世, 23900牛 VS 24228熊齊齊入局, 要買定官才, 尋頂市每周都會有新高, 下周會升穿本周高位24324來擴大周波幅, 當見頂回落再尋底

~ 當QQ及港交所見頂, 代表反彈浪已屆尾聲, 恒指尋頂期間, 見牛牛上移至屠殺水平, 就係港股見頂之時, 呢兩日貼價牛出世, 上移至23900水平, 係利淡訊號

~ 通常一個天大利好消息值千點, 23315月初低位+1000點=24315

~ 老外連日大手掃A股, 呢幾日資金凈流入多得嚇人, 老外積極掃入A股, 利好H股, 變相間接托住港股, 當老外沽貨食胡, AH股就會反艇

~ 道指恒指差距高達11759點, 又超標, 加上內地股市強勢, 上証企穩3600水平, 限制港股下跌空間, 要中美股市反艇, 淡友才有動力推低港股

~~~~~~~~~~~~~~~~~~~~~~~~~~~~~~~~~~~~

~ 近日QQ衝上$474.4打回頭, 隊落$461.6, 本周QQ急跌急彈再回吐, 空軍有逾$30億平倉, 不過阿里.QQ.美團沽空仍高企,

~ 只要QQ收市守$450, 代表好友健在, 就會挑戰$480阻力位, 如打回頭失守$450代表淡友當道, QQ仍然冇莊家進場, 會削弱上升動力

~ 在美上市中概股累積沽空仍大, 鬼佬等利淡消息就會再隊港股

~ 基金大媽粉飾櫥窗, 止賺止蝕換馬, 沽出中移等廢股, 推高持倉股埋年結, 準備提早放聖誕新年假期, 港股成交不斷萎縮, 買盤弱.沽壓大, 係彈上去企唔穩高位的原因之一, 成交細, 大鱷大媽舞高弄低就更容易, 要綁好安全帶

~ 本周好友淡友齊發功, 想拿拿臨食胡放假, 本周牛熊齊齊陣亡

~ 由8月起(1/8~3/12)的星期五(或該周最後一個交易日), 有近七成機會收跌, 今日果然下跌, 按照慣性走勢下周一要收陽, 如收陰不妙, 連續兩日收陰燭, 代表淡友反擊中

~ 本周恒指3升2跌, 全周收升, 符合慣性走勢

~ 下周二三(14~15/12)聯儲局議息, 宣布收水事宜, 要留意匯市變化, 當港匯轉弱, 港股就危

~ 熱錢於周一流走時港匯一度失守7.8水平, 隨後幾日略為轉強, 今日收7.7989, 小心熱錢隨時流走

~ 下周(13~17/12)美股四權結算, 商品期貨結算, 下周五(17/12)內地股市結算, 預示下周港股會大幅波動

~ 下周三(15/12)內銀降準, 外匯則增加存準, 拖累人民幣大跌247點子, 結束三連升

~ 建議重溫舊網誌: 港股熊市深潛期, 必有得著