20~23/12 港股熊反彈賀聖誕

20/12 周一恆指收報22744, 大跌447點, 連跌2天

成也QQ.敗也QQ

慣性走勢係非常有用的測市方法, 以往富時更換成份股當天收跌, 翌日多數收升, 應升不升需防插, 今早只係閃一閃上去23145就重拾跌勢, 係強烈利淡訊號, 恒指最多插527點低見22665, 屠牛3869張, 令牛熊分布失衡情況大大紓緩, 下殺誘因下降, 目前係牛10373張 VS 熊8449張, 牛在22660, 初生BB熊在23421, 只要熊熊進一步下移, 就有上攻誘因

QQ連跌5日, 反彈在望, 皆因過去幾個月QQ五連跌例彈, 明日理應收升, 滬深大媽齊齊掃入QQ, 可惜今日沽壓太大, QQ仍收跌, 報$430(低見$429), 明日要看大媽的護盤功力, 只要明日QQ冇創新低, 就係利好訊號, 港股乾跌成交只得$1248億, 唔少股民及基金經理已收爐, 或者減少入市注碼半收爐, 今日科企商湯重啟招股, 要看一眾保薦大行會否出手托市

科企沽壓特別大, 美團莊家連日沽貨鬆人, 恒指一如所料失守23000, 插穿整數大位及關鍵位22800正路會有一彈, 不會一去冇回頭, 但今日直落完全唔彈係非常罕見, 好友下一關退守至22500, 呢個係超級大位, 睇下淡友肯唔肯食胡, 後市如能重上22800, 係彈上23000的跳板, 只要上企23145, 代表好友仍未棄守

上証連續兩日急挫, 收3593, 跌38點, 只要重上3600大位有助穩住港股, 上証每浸通常連升/跌2~3天, 如今已連跌兩天, 預示上証快將作出反彈, 港股連插兩大棍, 超賣, 反彈在望

明日轉節氣冬至, 預示有大變, 希望大好日子收陽燭旺一旺, 按照慣性走勢, 每周恒指通常升2~3天, 由於上周恒指只升了1天, 升市日數未達標, 本周理應會升最少2天, 回顧去年12月港股並非單邊向下, 恒指首三周不斷急跌急彈, 最終係原地踏步, 到第四周才出真方向, 如果今年歷史重演, 本周就不應插穿22500直落22000, 理應彈番上23000, 不過明年初仍會再創新低

投資者憂慮美國經濟前景, 美國國債息率出現倒掛引發市場恐慌, 全球金融市場大幅波動, 美股上周 四巫結算後好友已閃, 債市出事, 股市有災, 美期大插插, 新興市場股市全面反艇, 不單是中港股市走鬼, 台股亦有外資沽貨鬆人, 人民幣連跌5天, 上周五老外已率先走貨, 今日老外買A股資金明顯縮減, 不過美元升勢回順, 港匯亦回穩, 收7.8011(日前曾見7.8047), 美國周五(24/12)聖誕節休市, 當天港股平安夜半日市, 周五(24/12)滬深股通暫停一天

~~~~~~~~~~~~~~~~~~~~~~~~~~~~~~~~~~~

恒指月波幅

過去4個月恒指都係做2200~2800點大月波幅, 不過12月年尾收爐, 基金經理放假, 股民入市意欲低, 普遍基金經理本來估今年做大約8000點年波幅, 今年底部在23000~23200, 不過中美有愈來愈多打壓政策出籠, 部份基金經理認為會見22500, 今年不應隊穿22000, 因為要預留明年破底的下跌空間, 明年港股可能係先低後高, 有基金經理認為明年債市會出事, 拖累全球股市,

到今日為止恒指12月高低位22665~24385, 月波幅1720點, 已進入達標範圍, 會有淡友食胡

24385(12月頂) - 1300~1800點細月波幅 = 22585~23085(12月細波下跌目標)

24385(12月頂) - 2200~2800點大月波幅 = 22185~21585(12月大波下跌目標)~但年波幅會超標, 唔似今年見

~ 24000的恒指市帳率略低於1倍, 估值偏低具吸引力, 如今插穿23000更加係超荀價, 長線投資者或會趁低吸納, 淡友亦會回補空倉

~ 多國陸續加息, 加息陰霾影響市場氣氛, 聯儲局收水, 美元強勢, 港匯弱雞, 其實由11月尾開始, 熱錢就加速撤離新興市場, 導致恒指於30/11連插三棍低見23175, 破位而下, 由於今年恒指慣性走勢係每月都會有新低, 所以12月下旬就隊穿23175創新低22665

中港股市冬至拗腰上攻, 殺完好友殺淡友, 貼價熊命危

21/12 周二恆指收報22971, 升226點, 結束兩連跌, 部署上攻屠熊

QQ港股同步止跌回升

今日轉節氣冬至, 預示有大變, 果然止跌回升, 冬大過年, 大好日子中港股市都好生性, 齊齊食彈高, 開開心心做節, 今日港股大反彈, 雖然收市升幅收窄, 但上升動力勝過16/12升54點那天, 因為當時未插穿23000殺肥牛, 月波幅亦未達標, 周一創新低見22665月波幅及年波幅都已進入達標範圍, 有小淡友食胡回補空倉, 所以港股彈力較上次強, 由高位24324碌落山見22665, 跌幅1659點, 少少地反彈600~800點可見23250~23450

目前恒指周波幅22665~23145只得480點仍未達標, 今日高見23100, 明日理應上破周一高位23145來擴大周波幅, 如果又彈散, 就要再尋底, 又或者23000穿梭hea到月尾, 向上阻力重重, 淡友會於23192攔路, 23400~23600阻力就更大, 長周末在即, 加上本周五滬深股通北向關閉, 未來兩日老外或會沽A股食胡, 因而拖低港股

要留意的是, 中港股市多數係同一方向, 上証觸底回升, 港股亦同步止跌, 當上証見頂回落, 港股亦彈完, 好友淡友似乎都想在聖誕假期前食胡, 所以後市將會大幅波動, 好淡角力

內地股市彈高, 上証結束兩連跌, 收升31點報3625, 美期報復式反彈, 好友借勢反擊, 可惜QQ仍然冇莊家進場, 削弱上升動力, 只係靠打媽推上$440大位, QQ止跌回升, 港股亦跟隨走高, 美團雖然大反彈, 但莊家進一步減少, 商湯重啟招股, 今日港股彈高, 是否一眾保薦大行出手托市呢? 招股結束大行會否縮手呢?

慣性走勢係非常有用的測市方法, 上周五富時更換成份股收跌, 昨日(周一)理應反彈, 但卻反常地收跌, 當然係為了向下擴大月波幅及殺好友牛牛, 昨日冇升, 今日最終要補漲, QQ連跌5日, 昨日已說過去幾個月QQ五連跌例彈, 不會六連跌, 今日果然收升, 今日QQ冇創新低, 恒指低見22730, 亦冇跌穿昨日低位22665, 大媽連日掃QQ, 可能係因為大媽重倉QQ想推高派貨, 恒指冇破底, 沽空縮減, 淡友退避, 可能等彈高再沽過, 午後衝上23100牛牛大舉食胡, BB小熊大幅下移至23232, 極具吸引力, 可惜23300樓上熊唔夠肥, 看來要養下牛熊先

~ 以往當出現大跌浪, 見貼價熊出世, 就係彈高訊號, 牛熊分佈: 11093張牛 VS 9515張熊, 如果彈得太高就會放生肥牛, 22660樓下有超級肥牛

~ 貼價熊瘦, 遠牛肥是後患, 會拉住港股後腿, 弱彈目標23200~23400會見阻力, 強彈就會上23500

~ 港股今日只係超賣的技術性反彈, 仍處上升勢頭, 不過大方向仍利淡, 目前港股人心虛怯, 一個利淡消息就會再插過, 趁外圍股匯債回穩, 好友理應盡量推升, 拋離22665,

~ 9/12見頂24324回落以來, 今日是升幅最多的一天

~ 一如日前所分析, 上周恒指只升了1天, 慣性走勢係每周升2~3天, 所以本周要補漲, 升市日數會增加, 不會只升1天這麼少,

~ 以往短周恒指周波幅亦會收窄, 12月下旬交易時間受假期影響減少, 本周只得四日半, 下周只得三日半, 今個月恒指月波幅亦有可能收窄

~ VHSI恒指恐慌指數急跌8.9%, 市場恐慌情緒紓緩

~ QQ冇莊家, 不過沽空高企, 靠挾淡倉來推升, 反彈阻力$450/$465,

~ 長假期前避險情緒高, 入市意欲不大, 收爐味濃, 港股成交持續萎縮, 乾升乾跌

~ 上証.恒指.國指昨日同步見短底, 科指較弱, 今日仍創新低, 在美上市中概科企沽空大, 壓住科企

~ 創新低後翌日高開高收呈陽燭係利好訊號, 明日續升機會大

~ 人民幣結束五連跌, 反彈74點子, 港匯日前低見7.8047後轉向, 收報7.8005

~ 本周五關鍵位23192, 當天港股半日市,

~ 美國周五(24/12)聖誕節休市, 當天港股平安夜半日市, 內地如常全日開市,

~ 周五(24/12)滬深股通暫停, 下周一(27/12)港股休市, 美股及內地如常全日開市,

22/12 周三恆指收報23102, 升131點, 連升兩天, 部署屠熊

港股熊反彈賀聖誕

弱彈: 22665(底) + 600~800點 = 23250~23450(今日高見23258)
強彈: 22665(底) + 1000點 = 23650

~ 本周夜期日日收高水, 代表目前由好友主導大市,

~ 恒指周波幅仍未達標, 等養肥熊熊又或者上証彈高, 就會上破23258來擴大周波幅

~ 美元回落至96邊, 金融市場股匯債回穩, 港匯轉強, 有資金流入

~ QQ底頂上移, 挑戰$450阻力大位, 如能重上$460, 利好, 大媽近來密密掃入QQ, 今日QQ高開低走, 大媽壓價收貨

~ 港股成交細, 有利大鱷操控大市上落

~ 12月基金粉飾窗櫥, 踢高沽貨埋年結, 以及換馬

周一(20/12)港股創今年新低22665後跟隨中美股市拗腰向上, 周三四五係創周高低位的時間窗口, 由於港股仍處上升勢頭, 恒指周波幅仍未達標, 明日理應上破今日高位23258來擴大周波幅, 不過淡友於23192攔路, 如打回頭, 就要下試23000, 如果好友唔想破底, 本周就要做細周波幅或挑戰23400~23600

慣性走勢真係好準, 日前港股大插插, 當時已說上周恒指只升了1天, 升市日數太少, 本周要補漲, 因為通常每周升2~3天, 即係本周最少都要升2天, 目前技術指標改善, 亦連續兩天收23000之上, 今個月港股通日日都錄得資金凈流入, 大媽趁低吸納部署明年

今日港股雖然衝高回落, 收窄升幅呈陰燭, 但卻是底頂上移, 向上擴大周波幅, 似係震牛引熊, 小熊繼續入局, 但數量不多, 小熊位於23298, BB牛上移至22938, 股民收爐, 港股成交縮, 乾升乾跌, 未來一天半會有長假期沽壓效應

港股底頂上移續尋頂, 部署上攻屠熊

23/12 周四恆指收報23193, 升91點, 連升三天,

弱彈: 22665(底) + 600~800點 = 23250~23450(今日高見23264)

今日高見23264(昨日高位23258), 只係略為升穿昨日高位大鱷就縮手, 目的係養貼價牛熊(牛在23000 VS 熊在23298), 趕走擋路蟹貨, 以及預留後市的上升空間, 想頂部上移,

上証及港股同步底頂上移尋頂, 上証阻力3650, 恒指阻力23400

科企沽壓沉重, 科指逆市下跌, 只係靠QQ獨力支撐, QQ突破$460後, 下一個阻力$470, 由於升勢過急升幅大, 小心獲利沽盤出籠, 要留意的是QQ仍然冇莊家, 滬深大媽今日趁急升大手沽出QQ, QQ尋頂, 港股尋頂, 當QQ見頂, 港股就彈完

周三四五係創周高位的時間窗口, 本周一大插後, 好友已奪回主導權, 要踢上去食胡, 明日要升穿今日高位23264來擴大周波幅, 不過本周只得四日半市, 所以會做細周波幅

恒指周波幅仍未達標, 仍有上升空間, 今日好友就成功踢上關鍵位23192收, 報23193, 代表好友想恒指周線收升, 明日恒指許升不許跌, 如明日收跌, 周線就會收跌

按照慣性走勢恒指.國指.科指今個星期周線會收跌, 因為過去三個月周線通常最少跌兩周, 上周跌, 本周亦會跌, 不過目前好友佔上風, 睇手影恒指明日收升居多, 看來恒指會打破慣性走勢

12月係一個非常特別的月份, 基金年結, 部署今年收市位, 部署明年開市位, 一月會否例旺等等, 一眾因素都會影響慣性走勢

港股大方向利淡, 不過短線技術指標略為改善, 大鱷拖慢上升步伐想俾時間畫靚幅走勢圖才上攻, 如夾硬爆上反而惹來空軍及蟹貨擋路

港股成交縮, 乾升乾跌的走勢不能盡信, 今日已見長假期沽壓效應, 明日平安夜半日市, 下周一內地如常開市, 禍福難料, 明日港股壓力會更大

近來老外大手掃A股, 推動內地股市向上, 不過明日滬深股通關閉, 少左一條大水喉買A股

港匯早前大跌, 港股反艇, 呢兩日美元回落, 港匯轉強, 人民幣反彈, 港股就彈高

今個星期美股周線轉升, 穩住全球股市, 不過加息陰霾下, 港股俾科企拉住後腿, 削弱反彈動力

美車企德師奶大手沽貨告一段落, 德師奶觸底回升, 比亞迪等車股亦彈高, 穩住市場氣氛

今個月恒指炒細月波幅, 守住22500拗腰向上, 符合慣性走勢