樂觀性格

有D人天生樂觀, 乜鬼嘢經佢眼中看來, 都係一件樂事ｏ

例如最明顯的事例, 枱面有半杯水, 佢睇倒就話, 好嘢！有半杯水飲ｏ而悲觀的人睇倒, 就話: 唉！乜得半杯咋！

又有一個個案ｏ某鞋公司派一調查員去非洲, 睇吓可唔可以發展鞋的市場ｏ＇一個悲觀的調查員回報話: 冇市塲！因為果边冇人着鞋嘅！

但另一位樂觀的調查員回報話: 市場大到不得了, 因為人人都未買鞋着！

所以世事, 樂觀, 悲觀只是一個想法！

又例如一個窮到燶的人, 樂觀的想: 根本就唔洗担心火燭賊刼, 因為一貧如洗, 再冇乜損失！

又例如有位老公玩失蹤的亞太, 同D仔女講:  好嘢！以後可以煮少一個人飯！

黄SIR見有D人,可以成日笑口常開, 真係憂愁同佢絕咗緣, 呢D性格真係認真難得ｏ

歷史上有位孫山先生（成語: 名落孫山, 聽過未？）

佢考試考第尾, 就寫咗首詩俾個同鄉的父親, 吹漲人！

佢話: 榜名盡處是孫山, 賢郎更在孫山外！

即係話: 你咪話我水, 你個仔仲水過我！

做人咁諗嘢就會快樂好好矣！

人比人比死人！