7月尾港股結算後破位而下

12/8 恆指收20175, 升93點

港股連升兩日，即市波幅急降，大龍鳳先兆

19900-20100 BB牛出世，熊在20200之上，牛熊皆命危

恆指本周雖然收跌, 但卻是收陽燭, 亦已收復10天線，反映好友仍未放手, 一直咬住20000唔放，本周初大插後踢高, 收復大部分失地, 不過港股連升兩日成交縮, 股民及基金經理入市意欲低, 台海局勢緊張、內房危機以及業績期, 都令投資者卻步

2/8低見19515後反彈，5/8高見20283後回落，7/8立秋後跌勢加劇，10/8低見19469後急彈，今日高見20208再度受阻，人人做快閃黨，港股通常連升或連跌2-3日就轉向，撐埋今日畫周線就唔會大大力托

大鱷的手法係周初任由大市跌，臨近周五才踢高，殺完好友殺淡友，本周趁反彈減磅，係因為以800-1000點周波幅來看，後市仍要插穿20000，只要上證失守3250或者有強烈利淡消息就會再下試19500.19178.....

～～～～～～～～～～～～～

上證於2/8插穿3250大位後，連續7日收於其下，但昨日11/8急彈，今日略為回吐，收3276, 仍高於上月收市位3253，與恆指科指一樣，8月玩咗兩周仍錄得少許升幅，但國指兩周埋單小跌30點

總的來說， 市場氣氛雖然低迷，但中港股市表現唔算差，港滙亦轉強，8月份兩度下試19500水平都見淡友食胡，好友踢番上20000水平，蟹貨止蝕減少係好現象，老外連續兩日大手掃入A股，推動上證重上3250暫時穩住了港股

由7月份起連續6周，大鱷偶爾屠熊，但卻幾乎日日都屠牛，本周三低見19469食多一口肥牛，然後周四踢上20000之後，牛熊分布終於回復均衡, 所以今日點穴養牛熊，恆指即市波幅只得197點, 連QQ的周波幅都係細得離譜, 預示下周會有大龍鳳，目前牛熊都非常貼價，要買定官才

港股正處業績期，QQ港交所藥明生物將於下周三公布業績，下周一 內地公佈經濟數據，另外要看市場對國壽油企等五隻中資股將於於9月美國退市的負面反應有多大

中國中免正在招股，大行會否托市呢？

11/8 周四恒指收20082, 升471點, 結束三連跌

港股報復式反彈, 重上10天線, 皆因突然有熱錢流入, 港匯走強, 明日要留意QQ能否重上$307.6, 以及能否守住$300, 恆指反彈阻力20200～20400, 20700-21000, 支持19800-20000,19500

本周QQ做罕有的超細周波幅$13.6,所以恆指亦同樣做細周波幅782點(19469-20250), 本周上攻下殺, 牛熊皆陣亡, 牛熊分布回復均衡, 要再養過, 明日冇必要飛天或遁地

雖然今年恆指 試過很多次插穿20000大關 ，但周線只係見過一次收 20000之下， 就係5月13日收19898，所以明日好友會力守20000來畫周線收陽,  明日九成九機會 收20000之上 ， 元帥所說的慣性走勢命中率好高

港股升跌睇資金流，本來熱錢持續流走，港股捱沽，港匯一直於7.85關前遊走，但今日港滙突然轉強爆升，曾高見7.8424, 所以我冇做淡， 大家要查清楚為何突然有熱錢流入本港, 美元曾低見104.6351,今日人民幣急彈191點子，收6.7386, 港滙人民幣突然走強，推動 中港股市 急升，今日大量牛牛食胡鬆人

美股止跌回升強勢持續, 上證重上3250水平, 亦有助穩住港股, 因為港股大方向多數跟中美股市，老外由2/8起日日都沽出A股，但今日卻突然大手掃入A股，資金掃入中港股市利好

有基金經理說入市意欲低係想等埋業績, 想睇埋大行報告的買賣評級和目標價, 佢仲話近來主力炒ETF及衍生工具, 因為擔心炒個股冇啦啦急插

10/8 港股連跌三日，周三恒指收19610, 跌392點, 反彈在望

淡友預期今晚美國公布的 通脹數據 會下跌 ，利好美股，所以今日拿拿臨推低港股來平空倉食胡，上證一如所料結束四連升，幸好低見3217後抝腰上，收窄跌幅，收3230, 仍企上周五收市位3227之上，看來好友部署上證本周收升， 只要穩住內地股市就可 托住港股

近來恆指升跌多數係3日一浸，做夠周波幅就收手，好淡通殺， 因為今個月交易日數多，所以大鱷想拉長戰線，唔想一步到位做大底/大頂， 想跌下彈下，好淡兩邊都殺

上星期恆指升市日數多，今個星期跌市日數多， 已跌了3日，按照慣性走勢 ，港股好少全周日日升或日日跌，急跌亦會急彈, 淡友周線攔路位20000-20200

淡友注意:

雖然今年恆指 試過很多次插穿20000大關 ，但周線只係見過一次收 20000之下， 就係5月13日收19898，所以今日下試19500元帥淡倉就食胡博反彈， 就係 估20000 不會一去無回頭

都話咗買阿爺個場易捉路，日前說上證最多3-4連升就要回吐，升咗4日真係跌，今日見插穿上周五收市位3227就買上

今晚美元急跌, 利好人民幣, 內房龍湖澄清票據的不利傳聞, 今日老外大手沽出A股, 拖低中港股市

9/8 港股連跌2日，周二恒指收20003, 跌42點,

港股成交急降，大龍鳳先兆, 待震完倉就會再上

今早大鱷借樓市減辣傳聞推高大市可能係為了屠殺昨日出世20200附近的熊仔，高位加沽，以及部署明日 月供股票派貨

今日仍受制於20300, 明日就要下破19800來擴大周波幅, 繼續尋底，向下19800.19515.19178.19000....要看再下試，2/8低位19515有冇淡友食胡，7月尾恆指失守250個月牛熊月線，已確認3月觸底回升的反彈浪已結束

牛在20000之下，最肥牛聚集於19500附近，19000-19500牛牛亦快高長大，上證仍受制於3250, 連升4日時辰到，要看能否守住3227.3200, 只要內地股市下跌，就會拉住港股落山

一如7月所說，本港資金流走，5-6月港股比美股強的形勢已逆轉，台海變天是中港股市下跌催化劑， 周三美國公布通脹數據，受惠於油價下跌，市場預期7月美國通脹會回落

8/8 周一恒指收20045, 跌156點, 結束三連升

港股成交急降，大龍鳳先兆

以往上攻受阻而回，震完就會再上, 不過如仍受制於20300, 就要下破19800來擴大周波幅, 科指/科企沽空勁多會壓住大市，20200-20400阻力大，乾升上破亦難企穩, 港股要等回補4/8上升裂口19922-19995, 以及等QQ見底才能再上, 當美股上證見頂回落，就會拉住港股落山

近來空軍針對新科企，亦加沽了港交所 阿里 網易 小米…… 高盛有大批QQ負責沽出，所以由6月尾開始密密托沽，不斷滲貨出街，唔知是否南非佬的貨

牛在19900，剛出世BB熊在20200，上周恆指4升1跌, 升市日數超標, 本周要補跌，淡友會反擊

5/8 周五恒指收20202, 升28點, 連升三日露疲態

港股有個慣性走勢，就係明明好弱但跌跌下突然轉向急升扯住上殺淡友，以為好強但升升下突然轉向急插碌落山殺好友，又或者大裂口開出，毫無徵兆 防不勝防，持倉企錯邊往往走唔切

大鱷愛玩好淡通殺，好友淡友雙雙陣亡，基金及散戶上半年輸到趴街，已無心戀戰，加上中美台局勢變天，業績期隨時踩中地雷，入市風險極大，導致港股乾升乾跌

所以我都係分注買賣炒波幅，收細注碼，傾向炒內地股市，上落較易捉路，上證已連升兩日，通常升市只得2～3日，6月上證強勢亦只係升4日，今日已見科指QQ動力不繼，今日畫周線夾硬推升，20100附近BB牛剛出世，小心下周開新局暗殺BB牛，4/8上升裂口19922-19995有待回補, 牛在19900~20100，熊在20300,

1-5/8 港股先苦後甜，好淡通殺，牛熊陣亡，來回地獄與人間

港股底頂下移續尋底

29/7 周五恆指收20156, 大跌466點，繼續屠牛之旅

期指結算後維穩盤消失，好友果然係撐埋結算就鬆人，空軍不斷加沽，今日沽空金額高達$241億(18.6％）, QQ繼續破位而下，拉住港股落山，連大媽大手掃入QQ都抵擋唔住龐大沽壓，預示港股後市不妙

牛肥熊瘦，重倉牛在19400-20000, 下殺誘因大，日圓轉勢，連日走強，或會掀起拆倉潮，老妖婆8月初訪台，股滙債勢必起風雲，估計8月港股會深潛，20000大關危危乎，500點一級，向19500.19000....進發

27-28/7 恆指連續兩日收跌，已打破了日升日跌的慣性走勢，連跌代表淡友勝， 結算後見真章， 要擴大周波幅及月波幅就要向20000-20200進發

港股應升不升需防跌，27/7港股冇跟美期升, 28/7冇跟上証升, 代表有大鱷滲緊貨出街, 臨危托沽, 市場一直擔心QQ、比亞迪及阿里股東的大手貨何時出籠， 空軍頻頻出手加沽，後市不妙

近日QQ窒窒步跌，扮守得住$320 來引好友入局，假如QQ見$300，港股會死咗去邊？散戶於$320-360不斷掃貨，大鱷就密密派貨，莊家早已走光，貨入散戶手，你話後市會點走？

港股正處於下行趨勢，自從6月尾見頂後就級級落，所以散戶博反彈往往一入即艇

其實唔少指標股近日都跌穿波動區間下方，洗倉味濃， 散戶懵盛盛入貨 以為執到寶，隨街平貨事出必有因，阿婆行得快，一定有古怪，小心低處未算低

今個月堅定不移看淡港股收跌, 亦看淡QQ和阿里, 一直冇改變, 早前已分析過5-6月港股強過美股的形勢已逆轉，道指恆指差距越來越大越，港股愈來愈弱，以月波幅計，8月會跌穿20000大關

6月尾恆指見頂22449後, 每周都係頂部下移: 22198.21470.21111.20952....一路向下壓, 走勢差劣, 不進則退, 20000大關危危乎， 連股王迪迪仔 亦早已轉勢向下， 對後市具啟示作用

大鱷操控大市的手法係，升一輪又跌一輪，5 及6月 港股收升， 股民有得賺，所以7月 大鱷就要股民嘔番盈利出嚟, 上周雞煲和元帥約咗郭晶晶今個星期出來聚一聚, 幾時現身表演高台跳水呢？

過去兩周港股窄幅波動, 靜極思動, 呢種形態不會持久, 大鱷想食大餐就要爆邊, 港股累積龐大沽空, 壓力始終要釋放, 結算後期指開新局見真章

～～～～～～～～～～～～～～～

港股3月見底，現時正處於築底期，但7月未必係轉角，有分析師說築底可以半年甚至一年, 即係仍會插穿20000水平，美國全方位針對中國，老妖婆話8月訪台，分明係挑釁中國，萬一擦槍走火，又可以出現股災， 插穿19000再試底都唔奇

按照慣性走勢，收跌月多數會在20號之後創月內低位，目前低位20215是15/7出現, 時間上未達標 ， 加上月波幅略嫌不足，所以後市仍有破底的危機

由7月中起，恆指有一個走勢模式， 就係跌跌跌，看似好弱，跟住就一大棍抽升，收復過去幾日的失地，然後再跌過，跟住又急升收復失地，所以玩咗半個月，仍然係原地踏步，換句話說，要大跌才有得彈

由12/7起，恆指在20500-21000主區間波動， 兩邊爆都企唔穩縮返入主區間內， 大鱷玩洗倉，逼股民止蝕止賺，趕走擋路蟹，要低位收夠貨，港股才會真正轉向，港股低處未算低, 短炒揾食難，不炒也罷，但中長線卻可趁大插分注買入優質股

恆指主力在20500-21000遊走，大鱷一直咬住20500-20700來收市，扮跌唔落引好友入局，大鱷趁反彈乘機派貨，其實唔少股份跌幅多過指數，因無形之手力守20500, 多次跌穿都能收於其上, 令人有跌唔落的錯覺

有基金經理說，明知QQ、比亞迪及阿里有大股東將會沽貨，亦明知買入後有更低位機會大，所以唔入貨，港股跛咗三隻腳, 易跌難升

~~~~~~~~~~~~~~~~~~

紅杉資本於上周四、五及本周一(21~25/7), 減持美團逾654.3萬股股份,合共套現近12.5億港元,近來有很多配股抽水活動，亦利淡市況

匯控於7月28日回購後，5月3日公布股份回購10億美元經已完成

有報道指中國政府希望銀行提供高達1萬億元人民幣貸款，幫助內房商完成停工樓盤的後續建設, 真係害死內銀

現時港股成交萎縮, 大鱷舞高弄低就更容易, 港股成交萎縮的部分原因:

～ QQ、比亞迪及阿里 的大股東隨時會沽貨，嚇窒炒家及投資者唔敢重倉以及炒呢三隻股份

～ 唔少基金經理上半年輸咗20～40 %， 炒到冇癮, 基金經理輸死咗, 出手唔敢太勇, 玩快閃, 有些甚至可能放暑假

～ 唔少散戶及炒家 成手蟹或虧損嚴重，削弱入市意欲