11月上旬港股牛氣沖天 + 暗湧
14/11 周一 恆指收17619, 升294點,連升兩天
資金市勿估頂. 點跌落嚟就點上番去
股災市同資金市都係一樣, 跌到你唔信或升到你唔信, 資金快速流出流入, 股災時支持位撐唔住, 資金市阻力位亦攔唔住, 技術指標的準確度大降
港股成交急增至$2049億,代表 有買盤願意承接10月股災由18164直落地獄14597的蟹貨
港股衝高回落 收陰燭,大鱷成功引淡友加沽,沽空高達$292億,後市又要玩挾淡
按照慣性走勢,恆指頂部是不會在整數關口邊, 代表後市仍會有新高,今日恆指爆上18000打回頭似係大 鱷試水溫,以及養熊, 消化沽壓,牛牛飛撲入市,牛少熊多利上攻, 好友及大媽力守17500 關鍵大位, 收17500之上好友勝,確認大升浪未完
~~~~~~~~~~~~~~~~~
港股衝高回落,收窄升幅,恆指一度爆上18011, 惟美期下跌,上證高開低收,單日轉向, 恆指由今年低位已反彈逾3400點,有港股短炒好友早市食胡, 蟹貨出籠,但低位見承接,尾市見買盤掃科企(原來大媽狂掃QQ)
滬股通 連續兩日 出現少量資金淨流出,但人民幣走強,老外連續兩日大手掃入A股,只要上證重上3100, 港股上升動力就會增強
市場擔心QQ周三公佈業績後南非大股東會走貨 ,亦擔心QQ持倉會否有變動,不過大媽今日反而大手買QQ,但卻持續走美團, 拖累美團逆市下跌
年尾水緊,阿爺出招救內房,大行大鱷借勢推高來派貨及安排配股,內房連日急升後超買,碧桂園爆升來配股, 怪不得大行維持市場向好氣氛,看來配股陸續有來
如果今個月恆指跟今年最大月波幅的月份(3月及10月),恆指本月目標在18400-19500
尋底市低處未算低,走得快好世界
尋頂市高處未算高,買得快好世界
港股 連跌三日後 再度出現報復性反彈
高處未算高,底頂上移,繼續尋頂屠熊之旅
11/11 周五恆指收17325, 大升1244點
大鱷又玩挾淡, 唔畀淡友逃生的機會,恆指超大裂口高開1039點後愈升愈有, 勢如破竹, 為今年7月以來首度出現連升兩周, 有大成交配合升勢,上破保歷加通道頂,強勢畢現, 牛氣沖天
今日港股急升並非單純挾淡,係有熱錢流入本港掃高股市, 呢種資金市唔會一兩日貨仔,會係一個大升浪,恆指下一站挑戰17800-18000,熊多牛少利上攻,17400樓上級級有肥熊
尋頂市每周都會有新高,不過大媽近日持續沽出QQ, 美團, 基金界早前輸40-60%, 11月上旬港股大反彈已經將 虧蝕收窄至40% , 近日見持貨少的淡友基金經理追貨
港股已進入10月股災由18164直落14597地獄的蟹貨區, 只要有超大成交食哂呢批蟹貨就可上企18000水平,本周唔少基金經理已由看淡轉為向好後市,所以近日一回吐就見買盤承接, 因為尋頂市會不斷有新高,今日唔入貨的話,下周就要高追
~~~~~~~
匯債形勢利好股市,美國通脹回落,加上內地放寬防疫措施,美元及美國十年期債息急跌,港匯突然轉強報7.8352, 重上8月中的水平,人民幣強爆, 資金流入, 老外狂掃A股,基金追貨,推動中港股市急升,破位而上
人民幣兌美元在岸價收報7.1106,大升1368點子(+1.89%),為2005年匯改以來最大升幅, 與樓按相關的1個月拆息連跌8日,屋仔股生猛哂
期指未平倉合約淨數大增,可能係好友加倉
8/11 美國中期選舉塵埃落定, 加上下星期有習拜會,估計拜登反華措施會鬆一鬆, 有利好友 推高港股
巴郡8/11進一步減持比亞迪(#1211)578.25萬股, 套現約$11.39億
與美國民主黨關係密切的 全球第二大加密貨幣平台FTX申請破產, 幾十間華爾街大行齊齊中招, 元帥一直 覺得虛擬貨幣有問題,風險太高,缺乏監管,早晚會出事,果然發生, 幣災或會影響金融市場
內地16項措施救樓市, 除讓房企未來半年內到期的貸款可多展期一年, 亦延長銀行房地產貸款集中度管理要求的過渡期, 以及鼓勵銀行與業主協商延期供樓,而不影響其個人信貸紀錄等, 消息利好內房內險
公布業績: 騰訊周三(16/11)、阿里周四(17/11)及京東周五(18/11)
今日港股收市位對比
恆指 17325, 上企50天線
(10月收14687, 9月收17222, 8月收19954)
科指 3491
(10月收2852, 9月收3450, 8月收4273)
國指 5867
(10月收4938, 9月收5914, 8月收6865)
港股連跌三天,消化沽壓,儲力向上
10/11 周四恆指收16081, 大跌277點
牛死熊命危
快閃做淡上午見插穿16000即食,唔敢過夜,因為 測市指標出現多個利好信號
~ 9-10月股災插咗2個月,不會只升1個星期就收工,因時間上並不匹配,估計11月係收升月,即係反覆向上,仍未見頂
~由於1/11恆指低見14859已是11月底部,後市會升穿周一高位16821來擴大月波幅,候低買上,做淡只能快閃
~今年底部是14597已被確認,港股正處於升浪的調整期,唔少股災期間走了貨的 基金經理及散戶趁回吐入貨,亦係今日插穿16000即彈的原因之一
~ 美股在公佈CPl前夕大跌,揭盅後可能走相反, 有財經大事發生通常股市會變盤
~ 恆指每個星期升跌比例通常係2:3, 即係每周升或跌 2-3天, 如今只係升了1天,升市日數未達標,只要今晚美股反彈,明日好友就有藉口出手
~ 恆指向上17000整數大位, 保力加通道頂17200,反彈0.382可見17590, 只要重上17500, 進一步確認港股已轉勢向上, 要看淡友會否攔路
~ QQ 蟹貨多,再上 大閘蟹就會出籠,向上阻力 $250、$270, 下周三(16/11)QQ公佈業績, 禍福難料
~ 今日恆指即市波幅只得193點,波幅急降以及港股成交 突然縮減至$921億, 係大龍鳳先兆,預示港股明日會變盤,淡友命危
~ 恆指今日守住 15900 ,即10/20 天線及保力加通道中軸, 代表大市雖然連日調整,但好友仍未放手,港股只係消化急升後的沽壓
~ 港股已是連續5日企穩10及20天線,罕有的強勢,確認向好勢頭,大漲小回格, 目前係9-10月股災的反轉版,由跌到你驚變成升到你唔信,通常急升後要回氣,然後會再上
~ 科企雖然大跌, 但QQ收陽燭,大跌市但舊經濟股卻見買盤掃貨, 港股温度計港交所近日回吐幅度不大, 反映1/11起掃入港交所的好友莊家健在,代表好友仍看好後市
~ 阿爺出招救內房,美國12月再大幅加息憂慮亦降溫,內房及本地地產股見買盤, 有資金偷步入市憧憬中港進一步放寬防疫措施,早前元帥已說11月阿爺會出重招救市,淡友亦有同一看法,所以拿拿林殺跌逃命
~~~~~~~~~
中港美三地股市周線改善
~ 港股已連跌三日,回調時間及幅度已達標,隨時會反彈,今個星期 港股周線可能收升, 因為恆指今日收16081,非常接近上周五收市位16161
~ 大鱷玩緊好淡通殺,昨日出世的15900-16100 BB牛今日陣亡, 今日輪到上面16100-16700有 BB熊出世, 在跌浪中 有貼價熊出世 利反彈
~ 恆指由高位已下跌約 900點,回吐幅度已足夠,通常嘔800-1000點就會反彈, 試完底就會再沖頂
~ 中港美三地股市周線改善, 而周五係畫圖日, 所以做淡今日不應過夜,港股仍守得住關鍵大位,11月一直由好友主導大市,畫圖日就會出手
~ 上證守住3030利好,後市會升穿3088挑戰3100水平,中港股市通常係同步見底頂,當上證完成調整破頂而上,港股就會跟住上山
~~~~~~~~~
匯債變盤利好中港股市
~ 匯市再變盤,美元急跌, 港匯人民幣彈高,利好中港股市
~ 由1/11 起每日都見資金流入港股, 呢幾日只係有少許好友沽貨止賺,只要主力好友 大鱷未離場,代表港股仍未見頂, 現階段只係消化急升後的沽壓
~ 美國十年期債息下跌,利好科企等 息口敏感股
~ 老外由周一起日日沽A股,今早仍然繼續走貨,但午後老外突然變臉掃貨,滬深股通 都出現資金淨流入,睇聰明錢的手影,預示內地股市明日會彈高
~ 港股沽空明顯縮減,淡友隊穿16000食胡後不敢輕舉妄動, 反映淡友認為港股升浪未完
~ 呢幾日港股反艇皆因大鱷想趕走蟹貨, 引淡友入局,然後才推升
~ 期指未平倉合約淨數大減,可能係淡友食胡,亦係今日港股大插的原因之一
~ 大媽由10月起至11月初掃入約$290億QQ,趁市場氣氛改善,呢幾日大媽出緊貨,係港股衝高回落的催化劑
試兄,工作如何?😊
元帥,有同感...現在只對國內景點有興趣😂🤣其他國家去過就算不想重遊 😄
史哥,我開始學Ringo sir 期權教學啦 😊🙏 再次多謝你,上次你話拉門師兄入股票群,想問問邊個勁人群組丫,你咁叻既.....通常上完堂至入群 ☺️ 股票期權炒買如何?我做一星期功課.....炒英偉達期權.....連贏五日好感動,唔使日日輸,解除連輸魔咒 😂🤣
門師兄,諗好 9 月HSI 點炒未 😂
元帥,好的👌🏿下次應該不會流浪......好攰😂😆 我覺得最多去兩星期就最好,當地食物最 5 慣,好彩有美團😄🙊,旅行咁耐第一次坐黑的就係最尾嗰日回港時,的士司機可能聽到我口音不是當地人,沒有起錶...同我講去機場條路一部份維修,要唔要行另一條路....我問相差幾遠,不遠很近。又問我航班幾點...當時患上感冒真的很攰,我只知打滴滴好像40人仔,到了機場時候我問佢幾錢,佢話90 😱 我即時打個突咁貴,由於時間關係冇同佢理論,跟住佢話收平兩蚊88我就比錢啦。向機場等上機時再諗,滴滴好像40,佢收多我一倍 😡 其實可以當場同佢理論及報警處理,算....趕時間 😆🤣
雞煲姐姐回來
我要2025再出發,好讓準備更充足彈藥同應付明年上半年倒閉潮
聽講取消對沖好多老世會走數
雞煲,我幫你刪除咗重複的留言喇! 頭條 畀 颱風 摩羯打到 病咗,呢兩日我都入唔到嚟, 今日傍晚才 入到
景色巧靚, 睇咗當去咗 😍❤️
下次再跑內地長線通知我,睇下我有冇大假和你一齊 流浪