陳小漢藝術欣賞會

昨晚黄SIR欣賞了陳小漢的演唱會, 這位B腔大師, 一向不是黄SIR的偶像, 佢D B腔根本難學到死！

但今次現塲欣賞佢D唱工, 演譯粵曲, 不禁衷心讚歎一句, 不愧為粵曲一代宗師！亦有粵曲唱法理當如此的感覺ｏ

佢好嘢的地方, 是佢用唱腔帶住音樂ｏ佢利害之處, 乃是可以用曲情吸引住全場觀眾, 這是一般演唱會演唱者缺乏的ｏ

佢的演譯充滿了B腔的特色ｏ平情而論, 佢的聲線比起佢全盛時期畧為失色（比起灌同是天涯淪落人時, 只得六七成而已！）

但現塲觀眾被佢同眾名旦之忘情演出所感染, 全晚掌聲不絕, 也令黃SIR眼界大開！

樂慶兒先生的追奏功夫, 也能配合陳小漢的演譯！黃SIR曾多次聽陳小漢先生演出, 覺得佢有不外如是的感覺, 原來是錯的！原因是佢同D闊太唱, 根本無法發揮,  再加上音樂唔得, 玩殘佐佢！

今次佢有備而來, 唱七首歌ｏ名旦有倪惠英, 鍾麗蓉, 郭鳳女, 曾慧, 林錦屏, 蔣文端, 全部皆有水準以上演出ｏ如果曲藝界有此水平, 根本就唔駛派飛, 唔駛俾D業餘闊太玩到粵曲粵劇半生不死啦！

陳小漢先生今次的確令黄SIR眼界大開, 原來世上真係有高人嘅, 平日黄SIR所見所聞, 井蛙而已！（當然包括黃SIR自已啦！）

陳小漢先生！好嘢！我為你鼓掌！也為誤解了閣下多年而道歉！SORRY！