陳小漢藝術欣賞會2

陳小漢藝術欣賞會真正是做到欣賞陳小漢先生藝術, 粵曲這門藝術似易實難, 普通人能哼幾句也可以叫做識, 以前D販夫走卒唱幾句涼風有信, 秋月無邊, 都算識, 新馬唱….边個好心啦……咁就雙隻呢……就對對咯…..一樣叫做識ｏ

近年人人上台表演, 寒起個背, 行來行去, 拋曲, 奇裝異服, 就叫做藝術都有, 簡直不知所謂！

有D台上幾件音樂各有各奏, D滾花追得二三粒音都有, 有次黄SIR見有位彈阮嘅師傅, 直程合埋隻眼, 係咪瞓鬼咗都冇人知, 工尺合士上, 佢就彈……士上算嘞！

D唱口請個大老倌, 又唔操曲, 連線口都未啱, 就夠胆賣飛, 你話呢D乜鬼藝術！

陳小漢此次就真正有功夫嘞, 音樂追到貼, 人人出盡功架, 有声有腔, 個個旦都驚衰俾人睇嘛！

陳小漢自已唱足七隻, 完全冇欺塲ｏ同有D所謂藝術家, 揾两三對學生, 闊太亞伯唱番幾支, 自已壓陣唱一支就想收銀, 真不可同日而語也！

粵曲粵劇之所以未落, 就係缺乏了陳小漢此類藝術工作者ｏ

只剩吓一D消閒亞太亞伯, 唱到唔甩唔撞, 都算係天下無敵矣！（黃SIR之流！）藝術？偽術至真！不學無術就真ｏ

你如果今次有去欣賞, 呢D高手演譯的欣賞會, 你就會明黃SIR噏乜！𣎴過此類欣賞會, 真是可遇而不可求也！