2~9/2 港股溫水煮蛙式派貨

港股死貓彈完續尋底

9/2 周四恆指收21624, 大升341點

只彈一天的魔咒

港股乾升挾淡，成交只得1178億元， 大鱷挾高QQ來掩護派貨，日前急升的百度連日急跌，港股升至多個阻力位關前

科指QQ盈富阿里百度上沽空榜，沽空增加，Vhsi 恆指恐慌指數亦上升，淡友仍未放手, 大媽趁反彈繼續走貨

明日係月供股票日, 大鱷推港股上山不愁冇人接貨, 明日向上關鍵位21660, 3/2下跌裂口阻力21820-21930，向下大位21349/21151/21085，肥牛在20800-21200, 5/1仍遺留上升裂口20793-20962未全數回補

過去幾日老外不斷沽出A股，但今日突然大手掃貨， 上證先低後高，單日轉向呈大陽燭，重上3250, 收3270, 大升38點，不過中港美三地股市同步去到阻力位，如果大鱷玩快閃，踢上去走貨，港股就要再落山

近日中港股市出現走資, 拖低大市, 但今日突然有資金湧入掃權重股挾淡, 港股低開高收, 單日轉向呈大陽燭, 昨日出世的21500樓上肥熊陣亡

目前牛熊都非常貼價，大鱷玩上攻下殺，好友淡友都要歸西, 近日大鱷玩估佢唔到， 通常跟美股升跌，但呢兩日就玩美股跌港股升，美股升港股跌，股民紛紛企錯邊

8/2 周三恆指收21283, 跌15點

連續兩日恆指推上21400樓上都碌番落山, 除了因為沽壓大之外，亦有可能係壓住大市畀21500熊今日出世，牛熊分布係牛少熊多，牛44％：56％熊, 熊量係今年以來最多, 有上攻誘因

QQ有大莊家睇場，走勢比指數強, 撐住大市，好友力守QQ的20天線，QQ連升兩日，近日恆指炒細波幅，於21300窄幅穿梭，牛熊通殺

昨晚美股一如所料連跌後作出反彈，已去到阻力區， 美國十年期債息重上3.6％水平， 對科企構成壓力， 資金持續流出港股，港股淡友乘機殺跌，幸好人民幣連跌3日後反彈，港股才得以收窄跌幅

老外近日密密沽出A股，但臨收市卻突然掃貨，只要老外及大媽由沽轉買，有助穩住大局，Vhsi 恆指恐慌指數連跌兩日，QQ不但冇破底更逆勢上升，反映恆指由高位嘔咗逾1600點，釋放了沽壓

近日急升的一眾科企沽壓特別沉重， 科指已率先跌穿周一低位 ，正路恆指國指亦會破底，但恆指周一低位21085竟然未破，全靠QQ力撐，港股死唔去皆因上證近來每次跌至3230附近都抝腰上3250，今日恆指上證同步冇創新低

未來兩日21085-21512等爆邊來擴大周波幅， 兩邊都有貼價牛熊，港股後市升跌關鍵在上證 能否重上3250

4/2立春港股轉勢向下，接連插穿10及20天線， 尋頂市已轉為尋底市，以月波幅計，理應隊穿21000，向20800進發

7/2 周二恆指收21298, 升76點

美股連日下跌，按照連跌的慣性走勢，今晚美股會有反彈， 資金流顯示立春前股市＜東升西降＞已變成＜東降西升＞，美元重上103 水平，港匯及人民幣走低，老外及大媽繼續大手沽貨

百度聊天機械人 有炒作，爆升逾15％, 但卻成為沽空榜第一位，近日熱炒的商湯莊家日日走貨

港股三連跌破位而下

6/2 周一恆指收21222, 大跌438點

立春股匯債變天，美元及美國債息連日大幅攀升, 恆指亦連日急挫，失守10及20天線，不過跌至第一個回調目標21000附近略為喘定，可能有短炒淡友食胡, 等彈上去再沽過

肥牛在21100附近， 但今日下跌裂口21349～21459有待回補，牛在20500-21100, 熊在21800樓上， 港股跌勢過急，跌幅太大，或會先行反彈，待彈完再尋底

港股雖然失守20天線，不過大莊家及大媽貨多未走哂，托住QQ的20天線來掩護派貨，唔想港股直插到大底，嚇到冇人入市接火棒

～～～～～～～

上周已說港股正處於回調浪，22000博反彈風險高, 應逢高沽, 持貨要減磅，話口未完就碌到落21085, 又玩好淡通殺

回顧1月上旬大媽走貨，派貨畀基金、熱錢大鱷及散戶，有大把人接貨，所以港股愈升愈有

不過踏入1月下旬大媽 繼續積極沽貨，而老外及基金 買盤略為縮減，農曆新年長假期後 老外及基金大舉沽貨撤退，近日更是洗倉式大手走貨，加上大媽的沽盤不斷，導致1月尾港股轉勢向下，連日下挫

恆指由高位22700跌至今日低位21085, 累計下跌1615點, 通常大跌一浸1200-1500點短炒淡友食胡都會觸發反彈

港股繼續尋底屠牛之旅

3/2 周五恆指收21660, 跌298點，連跌兩天

明天4/2轉節氣立春，港股跟足元帥劇本於立春周轉勢向下，股匯債變天，利淡因素於過去幾日已詳述，請重溫

港股先後跌穿10及20天線，由12月中起連升6周的勢頭亦斷纜, 早已提醒炒中港美股的好友要睇路，結果呢？ 美元及美國十年期債息彈高高，金價、油價、人民幣及港匯走低

除了中美晶片戰外，美國軍方以中國氣球飛越美國領空為由，出動戰機在大西洋上空發射導彈將氣球擊落, 中美關係緊張，另外有報道,美國總統拜登計劃在7/2下周二《國情咨文》中, 演講涉及反壟斷執法及科技行業監管, 還有加強私隱保護必要性

港股臨危托沽，熊死牛命危

2/2 周四恆指收21958, 倒跌114點，失守10天線

今日恆指 先高後低，單日轉向，高見22311秒殺 22200-22300 熊就碌落山，超樣衰，後市只要上證插穿周一1/2低位3245, ，港股亦會跟隨插穿當天低位21703下試21500

由1月中起, 恆指收市U盤日日都見掃貨盤，推動收市競價時段走高，但今日卻 反常地低走， 加上今日港股衝高回落，倒跌收場，係強烈利淡信號

近日中港股市彈散及收跌時 成交明顯增加，有濃濃的散水味， 1月上旬 基金大舉掃貨， 1月下旬暗暗派貨出街， 1月尾愈走愈急，27/1趁內地休市大媽不在，就夾硬踢上去22700做頂鬆人

淡友大鱷高位加沽，沽空多到不得了，所以早已預告2月危，小心（30/1-3/2）立春周港股會轉勢向下，日前已說連港股大好友元帥都唱淡做淡，就代表港股插得

早市一直咬住22000水平, 就係想養肥21800樓下的牛牛，引好友入局接貨，拖到尾市就插穿22000低見21930，好友走唔切，港股今日死貓彈完繼續尋底，淡友已奪回主導權，明日牛牛冇命

～～～～～～

確認尋底市

股神繼1月初沽出比亞迪，於27/1再度大手沽貨, 滬深大媽頻頻走QQ建行港交所，就知後市不妙

1月開局及1月尾已不斷提醒大家本周立春港股會轉勢向下，農曆新年後股匯債會變天，淡友會借勢大反擊，隊港股落山，21800唔守得幾耐，20天線危危乎，要下試21500.21300……，如外圍出現重大利淡消息，21000就危, 不要忘記5/1仍遺留上升裂口20793-20962未全數回補

上周五27/1收市總結已預告今次港股要作出深度調整，跌幅可以好驚人， Al 炒股軟件於本周初已確認港股由尋頂市變尋底市，可重温過去幾日收市總結看淡的理據

今個星期連重倉港股一直坐定定的大莊家都沽貨撤退，近日港匯加速下跌，係強烈利淡訊號，老外過去幾周密密掃入A股，但近日走緊貨，今個星期連上證都衝高回落，亦加強港股的下行壓力

港股慣性走勢係未見頂前一插即彈，大鱷咬住高位唔放，力守10及20天線，令全城股民向上望，當大市見頂及養肥牛牛好倉，大鱷就會縮手唔托，大市就會突然暴跌，插穿10及20天線，止蝕斬倉盤令跌勢加劇，好友於今次升浪賺賺埋埋就要嘔番出來，大鱷殺完淡友就變臉殺好友，好淡通殺