KellyChu - 雙黃鴨父親節最後巡遊 市民冒雨「打卡」｜Executive日記
2023/06/19 03:22:11
網誌分類:
生活
兩隻黃鴨昨日最後一日喺維港展出，其中一隻下午1點起沿維港兩岸巡遊，先喺中環海面出發，途徑銅鑼灣避風塘、炮台山東岸公園主題區、尖沙咀星光大道，香港文化中心，最後游到灣仔海面當日啟航禮嘅出發點，原地放氣退場。至於另一隻留喺金鐘對開海面嘅黃鴨，大會就話，因為要等灣仔嘅黃鴨完成退場，加上夜晚唔適宜海上工作，預計要留到今日早上，先可以安排離開。
昨日雖然陰雨綿綿，但適逢父親節，市民興致不減，冒雨到場「賞鴨」，維港沿岸人頭湧湧。其中喺尖沙咀海旁，人潮一度由星光大道延伸至天星碼頭。有家長就話，10年前黃鴨第一次嚟港，嗰陣小朋友剛出世，但沒機會到場睇，今次特登帶埋小朋友到場支持，彌補遺憾；亦有內地遊客趁住父親節，一家大細嚟港睇鴨，小朋友見到非常興奮！
Kelly Chu
■趁住父親節，好多市民一家大細出動，抓緊機會同黃鴨打卡留念。
■雖然陰雨綿綿，維港兩岸一樣排起長長人龍！
回應
(0)
我要發表