KellyChu - 林超賢執導 一哥粉墨登場 《守城前傳》 周六晚無線首播｜Executive日記
2023/06/23 03:22:20
網誌分類:
生活
片長約30分鐘嘅「守城前傳」，比上一輯內容更豐富，場面更浩大，劇情跨越海陸空，亦於灣仔、中環鬧市實景拍攝，警方更動員900位人員參與製作，除咗輔警、少年警訊、耆樂警訊會員，以及警察家屬都有份外，每位片中警員，都係現實生活中的警務人員，連林大導都話，效果出到嚟相常好，全因大家都係「做自己」，飾演番自己專業。
警務處處長「一哥」蕭澤頤就話，搵警務人員擔任「臨時演員」，係因為只有自己同事，先能夠將最真實警務工作呈現市民。
今次《守城前傳》重點，會放喺前線人員，由警察衝鋒隊打頭陣，講述從處理一宗「家庭暴力」案件開始，意外發現潛藏恐襲陰謀，並喺警隊專業嘅調查團隊抽絲剝繭，加上刑事情報科同飛虎隊等，警隊精銳部隊跨部門合作下，成功搗破恐怖份子陰謀。警隊中人話，希望透過宣傳片向公眾介紹，其實好多前線工作嘅警務人員，都係24小時輪班工作，喺市民身邊隨時候命，保護大家，充份展現「不同崗位，共同守城」精神。
最後提提大家，響應「一哥」喺警隊新進駐「小紅書」官方帳戶宣傳片裏面，講嗰句：「最緊要睇守城！」
《守城前傳》將於星期六晚上9時45分，喺無線電視翡翠台（81台）播出，並於翌日星期日晚上9時，喺警隊社交平台發佈。Kelly屆時一定要觀賞一班警員嘅英姿！
Kelly Chu
■《守城前傳》拍攝花絮。
■《守城前傳》首演會日前在警總舉行。
■一哥（左）與導演林超賢宣傳《守城前傳》。
回應
(0)
我要發表