KellyChu - 鞏固紙媒領導地位 拓展online平台實力 蔡晋：星島運用AI、大數據研新媒體產品｜Executive日記
2023/07/08 03:23:19
網誌分類:
生活
蔡晋分享，過去兩年，星島成立「新媒體」部門引領數碼轉型，運用人工智能、大數據分析等先進科技，研發新媒體矩陣下嘅各類產品，以滿足唔同用戶及讀者嘅需求，過去一年亦推出多功能「星島頭條」手機APP及全新「星島頭條網」，整體設計、內容鋪排都以用戶體驗為首要目標。
蔡晋認為，數碼轉型最大嘅挑戰，係要改變員工思維及新媒體人才嘅匱乏，要不斷教育及倡導員工數碼轉型嘅重要性，同時定期展開培訓並鼓勵跨部門合作，逐步建立新媒體嘅環境與文化。
佢指出，現時各行各業對程式設計、數據分析及數碼營銷等人才都有巨大需求，但供給有限，因此星島推出人才培養計畫，聯同教育機構形成夥伴關係，建立人才渠道，更重要為現有員工提供技能提升再培訓，多管齊下推動數碼轉型。
蔡晋表示，今年係星島集團85周年重大里程碑，星島一直堅持公正、持平新聞理念，喺新媒體推進嘅進程中，已打通紙媒同新媒體嘅採編資源，形成中央廚房式運營模式，未來將以平面加新媒體嘅多渠道方式，為讀者提供優質資訊。
Kelly Chu
Scan睇全文
■星島新聞集團行政總裁兼社長蔡晋博士，與在場觀眾們分享企業由傳統紙媒轉向數碼化的歷程。
■（左起）香港資訊科技企業家鄧淑明、星島新聞集團行政總裁兼社長蔡晋、 嘉里物流聯網有限公司公司首席財務官鄭志偉及螞蟻集團粵港澳大灣區戰略發展和政府事務執行副總裁陳婉真。
回應
(0)
我要發表