KellyChu - 港鐵入書展小丸子同fans玩遊戲｜Executive日記

2023/07/22 02:54:12 網誌分類: 生活

22 Jul

今年書展，港鐵都有份參加，喺展覽廳三樓同五樓設有「港鐵安全體驗天地」，等大人小朋友到場輕鬆學習鐵路安全知識。而書展首日，港鐵車務總監李家潤仲同港鐵新委任嘅扶手電梯安全大使「櫻桃小丸子」一眾角色，驚喜現身「港鐵學堂」分享會，同現場小朋友大玩互動遊戲，考考大家嘅鐵路知識，仲開心影相留念！
今年書展嘅「港鐵安全體驗天地」，現場設有巨型《港鐵路線圖》互動棋盤、列車模型「打卡」位，仲有緊張刺激嘅問答遊戲，好多家長都帶小朋友入場參觀玩遊戲。大家可以即場同其他鐵路迷比併鐵路安全知識，仲有機會贏取港鐵安全大使「櫻桃小丸子」造型嘅書展限定紀念品等禮物。
有機會贏取小丸子紀念品

其實書展都係為期一星期，去到7月25日咋，大家記得把握機會，去「港鐵安全體驗天地」主題攤位玩遊戲贏禮物，同小丸子一齊打卡學嘢喇！
Kelly Chu