KellyChu - 同吉祥物「小啡豆」一齊去列隊認人室打卡 《親子王》夥廉署搞免費親子活動日｜Executive日記

點解廉署鍾意請人飲咖啡？點解會面室嘅枱係三角形？究竟廉署「認人」手續係點？Kelly好想知，如果讀者都想知道答案，就要參加8月11日由廉政公署聯同《親子王》合辦嘅「i Junior誠信親子活動日」喇。Cute萌吉祥物「小啡豆」會做領隊介紹ICAC嘅運作，兼有益智卡通動畫「小啡豆大任務」比小朋友過關玩遊戲，同小啡豆輕鬆互動。仲有親子DIY工作坊，爹哋媽咪同小朋友一齊摺紙，製作「小啡豆」承諾卡摺紙，學習誠實守法嘅重要性。

每逢ICAC開放參觀都深受歡迎嘅列隊認人室及模擬錄影會面室等「打卡」熱點，今次會開放畀《親子王》會員參觀，到時就有機會體驗「認人」手續，喺列隊認人室扮嫌疑人瘋狂打卡，一嚐「被認」嘅滋味，仲可以睇到認人室單向反光鏡嘅原理增長知識添！如果想知點解會面室會放三角形枱，唔係圓枱或者四方形，就一定要親身去模擬錄影會面室一探究竟喇！

參觀完大家仲可以同「小啡豆」合照，獲得ICAC限定「小啡豆」禮物一份！想參加嘅即刻登記成為《親子王》會員，名額30個，每個名額以一位家長及一位小朋友為單位，先到先得。

Kelly Chu