KellyChu - 「一哥」領軍出戰世界警消運動會　摘8金5銀4銅佳績｜Executive日記

「第20屆世界警察消防運動會」正喺加拿大火熱進行，今年警務處處長蕭澤頤就親自帶隊出戰，至今警隊健兒摘得8金、5銀、4銅嘅佳績，其中警察龍舟隊仲再次為警隊爭光，奪得多面獎牌！

警察龍舟會現時暫得4金、1銀、1銅；乒乓球會得4金、3銀、3銅；單車會亦得1枚銀牌。警方話，面對世界級頂尖對手，警隊運動健兒全力以赴，展現出佢哋堅毅不屈的鬥志同永不放棄嘅體育精神，仲話「獎牌一定陸續有嚟」，希望大家為香港警隊嘅運動健兒們加油打氣。而警察龍舟隊隊員就話：「得獎之後好興奮，因為同事真係好團結同練咗好耐！」

警方亦喺社交平台上載世警會的開幕花絮，睇到「一哥」蕭澤頤帶住一眾警隊運動健兒，揮舞國旗同區旗，穿梭加拿大街頭，之後行入場館，大家面上都洋溢住興奮嘅笑容。

Kelly Chu