KellyChu - 杭州亞運會9．23開幕喇 周四上網搶飛撐港健兒｜Executive日記

杭州亞運會9月23日就開幕，相信好多人都心思思想到現場支持本港運動健兒。小妹就提下大家，星期四早上起，就可以喺香港中旅社官網同門市預訂比賽門票喇！

香港中旅社已經受杭州亞運會組織委員會同港協暨奧委邀請，成為香港地區獨家授權票務代理機構，會喺8月10日早上10點半，喺各門店同中旅網，向公眾發售賽事門票及配套產品，包括旅行團及套票。香港地區首階段可購買嘅比賽，包括舉重、克柔術、網球、花樣游泳、擊劍、摔跤、彈床、高爾夫球、跳水、游泳、軟式網球、攀岩、田徑、滑板、籃球、龍舟、競技體操、皮划艇靜水等18個項目。

Kelly Chu