KellyChu - 齊齊食飯交流　搭電動小火車打卡 一哥率少年警訊北上參觀新科技｜Executive日記

警務處長蕭澤頤前日起擔任團長，率領32個少年警訊會員到東莞同深圳交流兩日，行程相當豐富，首日就參觀咗東莞松山湖華為總部。

同學仔見識好多新科技之餘，期間仲同蕭Sir一齊食飯交流、搭電動小火車打卡合照，相信大家都學到唔少嘢！

首日行程，蕭澤頤就帶一眾少訊會員到訪東莞松山湖華為總部，參觀健康運動科學實驗室，了解最新科技點樣應用喺唔同運動訓練範疇；之後大家就去咗參觀華為三丫坡圖書館，並搭咗貫通總部嘅交通工具電動小火車，遊覽總部入面嘅歐洲小鎮園區，期間蕭Sir好開心咁同咁多位同學仔selfie合照。

大家之後就參觀咗華為企業業務及網絡安全展廳，了解最新科技點樣應用喺不同行業，仲睇到唔同通訊科技範疇現時嘅最新發展，同埋未來最尖端嘅科技應用，亦了解到網絡安全嘅重要性，真係大開眼界！東莞行程完結後，團員昨日就轉到深圳繼續交流。

Kelly Chu