KellyChu - 太古「大灣區青年音樂會」轉戰澳門舉行第二輪演出｜Executive日記

香港演藝學院籌辦、太古集團創始贊助嘅「大灣區青年管弦樂團首演巡迴音樂會」（見圖），本月11日喺香港演藝學院香港賽馬會演藝劇院圓滿上演，為一連四場音樂會打開序幕。呢場音樂會昨晚亦喺香港電台第4台轉播，唔少樂迷都話「聽出耳油」。而一班來自粵港澳三地嘅青年音樂家，今日就會到澳門，準備喺澳門旅遊塔舉行第二輪演出。

首場音樂會亦請到多位社會名人到場擔任主禮嘉賓，包括中聯辦副主任劉光源、教育局常任秘書長李美嫦、香港演藝學院署理校董會主席蘇彰德、香港演藝學院校長蔡敏志、英國太古集團行政總裁施銘倫及太古股份有限公司主席白德利。繼香港及澳門後，團隊將到深圳大劇院及廣州星海音樂廳表演。

Kelly Chu