KellyChu - 長洲戲院變身文化園區復業｜Executive日記

香港又多一個好玩新景點！被評為三級歷史建築嘅長洲戲院，喺結業20幾年後，搖身一變翻修成文化園區，第一期將喺下星期一起試業，到時大家可以享受戶外睇戲，又可以體驗電影拍攝，真人演出《唐伯虎點秋香》等經典電影嘅情節。Kelly覺得好吸引！

今次開放嘅第一期，係戲院後方同埋旁邊建築物共4個園區，其中1931戲棚會提供場景、參考劇本、戲服同剪接，讓訪客體驗做演員及導演，重現《唐伯虎點秋香》入面「求神」同「對穿腸」情節！拍攝後，訪客重會得到一段自己「親生」、30至45秒電影片段，同導演板做紀念品。

長洲文化館設有多個工作坊，其中平安包工作坊更係同名店郭錦記合作。文化館後方嘅銀幕大笪地，就會喺室外播放本地電影。而長洲戲院主體建築重做緊復修，預計2025年底開幕，到時會成為中式主題餐廳！呢次計劃搞得成係源於一位地主早前買咗呢塊地，諗住建住宅，但睇中旅遊潛力，便花過億打造呢個文化園區。

Kelly Chu