KellyChu - 35周年復刻主題輕鐵亮相 鐵路迷爭先打卡留念｜Executive日記
2023/08/21 02:56:03
網誌分類:
生活
今年係輕鐵通車35周年，為咗慶祝呢個特別日子，港鐵就還原1988年輕鐵通車初期嘅設計，推出2部復刻主題嘅輕鐵，其中1部今日起就會投入服務。一大班鐵路迷昨午就率先喺輕鐵兆康站，同呢架復刻輕鐵打卡。佢哋見到呢架「古典」而不失時尚感嘅列車，實在太興奮，一齊「憑歌寄意」，現場非常熱鬧。
2架復刻主題輕鐵車身以橙白色為主色，車廂坐椅塗上當年所用嘅橙色，坐椅背部同車頂分別貼上唔同輕鐵歷史相片、趣味小知識等，介紹輕鐵歷史同過往輕鐵型號。港鐵話，首部復刻主題輕鐵今日起就會投入服務，初時主力行走屯門碼頭來往元朗嘅610線；另一部亦會喺9月起服務市民。
復刻輕鐵抵達兆康站一刻，幾十位早早在場等候嘅鐵路迷即刻蜂擁上前，務求佔據有利嘅打卡位。
其中準備移民嘅謝先生話，以前成日同朋友一齊參觀輕鐵車廠，對輕鐵有好多共同回憶，於是特意喺離港前，同朋友一齊嚟影相留念。
Kelly Chu
■港鐵還原1988年輕鐵通車初期嘅設計。
■一大班鐵路迷同呢架復刻版輕鐵打卡。
回應
(0)
我要發表