KellyChu - 何永賢落場射籃 羅淑佩化身啦啦隊 房會搞3人籃球賽賀50周年｜Executive日記

為慶祝成立50周年，香港房屋委員會昨日喺葵涌石籬（二）邨石歡樓籃球場首次舉行「房委會盃」3人籃球挑戰賽，氣氛好熱鬧。房屋局局長何永賢連同房屋局常任秘書長羅淑佩等官員到場支持，佢哋除咗主持開球禮，仲落場展現活力一面。其中何永賢同青年球員進行射籃表演賽，有姿勢、有實際；羅淑佩亦化身啦啦隊，為球員打氣。

何永賢話，今年係房委會成立50周年，主題係「凝造．未來」，三人籃球賽正好凝聚好多屋邨籃球精英，佢哋擁有青春活力，係香港嘅未來。剛從運輸署署長升任房屋局常任秘書長嘅羅淑佩就話，昨日係佢首次正式出席房委會活動，很開心可以同青年人打成一片，希望日後多參加青年活動。佢又話，很開心加入房屋局、房委會及房屋署呢個大家庭。

「房委會盃」三人籃球賽，由房委會夥拍凝動香港體育基金舉辦，参賽球隊成員年齡介乎13至17歲，分別組成22支球隊，每隊最多5人，其中最少3名成員須係房委會公共屋邨居民。

Kelly Chu