KellyChu - 短短幾句講 測中21世紀大排污 鬼才黃霑24年前預言成真｜Executive日記

21世紀係一個充滿機遇、同時危機四伏嘅世紀，雖然交通通訊科技迅速發展，人與人嘅距離更近，但全球暖化、環保問題日益嚴重，同時戰爭陰影籠罩全球。而原來早喺24年前，著名填詞人黃霑就喺一個講座，預言咗21世紀係今日呢個樣。好多人最近睇返講座錄影，都驚歎霑叔料事如神！

最近好多人都喺網絡重溫霑叔1999年嘅講座片段，一開頭霑叔就話：「仲有250日，就係21世紀喇，21世紀會喺一個咩世界呢？沒人可以預測未來嘅，我更加沒資格，不過從我哋所知嘅資料估計，21世紀會喺一個距離消失嘅世紀，因為人人都上網聯絡，人嘅距離都消失喇，咁我哋嘅生活會點呢？使唔使返工呢？定人人一部電腦咁就掂呢？……乜嘢都係屋企咁搞掂喇，home office啊？咁得唔得呢？……我哋好容易喺屋企嗰部電視，收到500個channel喇。」短短幾句，就講中晒今日大部分人嘅生活狀態！

跟住霑叔又講到，20世紀已經出現嘅問題，「如果喺21世紀解決唔到，一定仲會積累㗎，排污問題、環保問題、戰爭問題，一定會問題如山。」所以佢叮囑，如果要好好活喺21世紀，大家一定要多啲用腦，「一齊諗諗佢！」

Kelly Chu