KellyChu - 港首捐贈配對平台獲各界肯定 年內囊括艾菲金帆等21個大獎｜Executive日記

全港首個大型捐贈配對平台「Share for Good 愛互送」在去年第五波疫情期間成立，用創新模式回應社會需要，透過配對物資同各種創新服務，向有需要人士提供最適切捐助。

由於Share for Good喺危機回應、社會責任及靈活創新等各方面，受各界肯定，年來共囊括21個大獎，包括喺營銷界最重要獎項、香港艾菲獎（Effie Awards Hong Kong）中，榮獲最高榮譽大獎；亦喺有「香港廣告界奧斯卡」之稱嘅香港金帆廣告大獎（Kam Fan Awards）中榮獲金獎。

評審認為，Share for Good突破大型企業傳統捐贈模式，聯繫企業、市民大眾及非牟利機構，令捐贈嘅一分一毫，都贈予到有需要嘅受惠者。

加上計劃未因疫情減退而停止，反而更進一步，將物資由防疫轉為食物，解決唔同社會問題，其延伸性及靈活性都係獲獎關鍵。

Kelly Chu