KellyChu - 14歲小將顧嘉洹為港爭光　勇奪X-Game大賽總冠軍｜Executive日記

再有年輕運動員為港爭光！亞洲X-Game大賽全國賽日前喺上海舉行，14歲嘅香港代表顧嘉洹（圖）喺滑板比賽技壓群雄，勇奪總冠軍，係首位喺國際代表性滑板賽事中奪金嘅香港運動員。

顧嘉洹今次參加上海亞洲X-Game總決賽，以全場最高分擊倒全國所有參賽運動員，勇奪大賽青少年組全國總冠軍。顧嘉洹透露，為咗增強實力，今年8月曾經前往日本集訓提升技能。佢形容，香港一直有出色運動員同教練，不過欠缺場地同政府支援，希望港府日後可以增加滑板場地同配套設施，等香港滑板運動追貼東南亞國家。

顧嘉洹話，今次憑努力為香港拿到全國總冠軍，希望可以令滑板運動喺香港有啲改變。而奪冠之後，佢非常感謝家人及滑板聯合總會支持，幫助佢創造佳績。

Kelly Chu