KellyChu - 小朋友設計　大朋友改良 茶果嶺海濱公園開幕後超受歡迎｜Executive日記

茶果嶺海濱公園上月底正式開放，大批小朋友入場遊玩。但原來咁受歡迎，係有原因。負責工程嘅渠務署就透露，原來佢哋早前搵咗一班小朋友設計遊樂設施，發現部分設計可行，於是「小朋友設計，大朋友改良」，成就咗o依家嘅樹屋同嬉水區！

茶果嶺海濱公園係觀塘污水泵房上蓋嘅優化工程，佔地約1.8公頃，設有涼亭、園景區、草坪、兒童遊樂設施及健體設施等，開幕後，好多市民一家大細到場遊玩。但原來公園設計另有玄機。渠務署話，工程團隊原本只打算將泵房上蓋美化成綠化天台，不過署方推展項目前諮詢唔同團體，發現大家都希望有更多公共空間，尤其兒童遊樂設施，於是決定改建成公園，並舉辦工作坊，邀請小朋友設計公園設施，了解佢哋夢想中嘅公園係點樣。

團隊睇過部分小朋友親手製作嘅遊樂設施模型，發現方案真係可行，之後繼續完善，最終變成依家園內最大型嘅遊樂設施、8米高嘅「親樹平台」，真係做到「小朋友設計，大朋友改良」，令小朋友可以夢想成真！

現時園內有逾60組遊樂設施逾，其中親水花園最受小朋友歡迎。原來，唔少居民都話希望公園有玩水區，於是署方就設計咗呢個花園出嚟！

Kelly Chu