KellyChu - 雨水退去現奇觀　 「車牌認領區」成打卡熱點｜Executive日記

暴雨後，大水退去，全港多地出現「車牌認領區」，一夜間成為市民打卡熱點，到底咩事呢？

原來，日前多條馬路大水浸，好多私家車嘅車牌被沖甩，於是雨水退去後，就出現一地車牌嘅奇景。有好心嘅市民之後將呢啲車牌收集，整齊排喺路旁，結果呢啲「車牌認領區」就遍布全港多地，包括大埔廣福迴旋處宏福對面狗公園、慈雲山 （ 北 ） 巴士總站、黃大仙祠小路、銅鑼灣中央圖書館、觀塘道近牛頭角、柴灣安力工業中心、黃大仙廟旁、旺角行去深水埗沿途等，而且好快成為打卡熱點。有網民就形容，呢個係「歷史嘅見證」，值得影相留念；亦有網民留意到：「大家有無留意都係比較新嘅車牌，這代表………架車英年早逝」。

另外，亦有網民分析暴雨下汽車甩牌嘅原因：「依家啲人懶到死，用雙面膠紙黐就算，螺絲都唔上粒入落去，梗係容易甩」。

Kelly Chu