港股9月尾多重結算、好淡通殺

港股月線不妙，死貓彈完續尋底

29/9 周五恆指收17809, 大升436點

今日大鱷畫周線、月線及季線，亦是黑期結算日， 港股死貓彈，做市任務已完成， 港股假期前後例牌大龍鳳，好淡通殺

尋底市每周都會有新低，下周危矣！9月尾低見17352就反彈，目的係震熊引牛和臨危托沽，以及預留10月股災月的下跌空間，因為港股年波幅仍未達標，人民幣弱利淡中資股，會拉住港股落山

港股乾升挾淡殺上17935，成交大幅萎縮至$676點，阿里QQ仍然冇莊家進駐，其實近來中港美日股市都見資金流出， 美元及美國十年期債息走高 ，不利股市

空軍趁大反彈加沽，尾市港股升幅收窄反映有好友食胡，亦有可能係基金季結埋數，QQ受制於10天線，亦拉住港股後腿

～～～～～～～～

按照今年恆指的慣性走勢，每季都會有新低，所以第四季 港股會破底，恆指會隊穿9月低位17352, 向下支持17000.16800.16500.16200.....，由於17000整數大位係重要防線，如能守住，後市有望重上18000

一如過去幾日的分析，QQ大位 $300 未必守得住，小心後市會再度插穿，空軍針對科企及金融股來加沽，有分析師指10月可能內房問題再出事， 會拖累地產及金融股，而美股走勢亦不妙

由於恆指月線及季線收關鍵位18000之下，加上恆指國指已創今年新低，但科指仍未破底是後患，代表港股下殺危機未除

史哥指出10月恆指好淡關鍵位為 17671

28/9 周四 港股期結創新低殺好友，沽空冇爆燈，空軍收斂攻勢，有短炒淡友食胡，插埋今日呢棍，已全數回補去年11月的上升裂口17364-17536, 恆指周波幅已達標，大可留番10月再隊過

熊熊已下移至17600水平， 美元及美國十年期債息回落，人民幣反彈，明日好友有藉口反擊

明日畫周線、月線及季線，基金季結，會有大龍鳳， 好友有誘因出手，淡友可能等反彈才大手加沽，明日起內地休市， 港股不會被內地股市拖累，大媽亦冇得沽貨

港股低處未算低， 牛肥熊瘦利下殺

25/9 周一恆指收17729, 大跌328點

底頂下移、尋底市每周有新低、等破底

港股上周五技術性後抽完成，恆指吻別18000, 死貓彈完繼續尋底來擴大月及年波幅

雖然港股9月弱雞 ，不過按照慣性走勢，月尾6天恆指不會日日跌，目前係一升一跌，通常升2-3天，本周五29/9是關鍵日, 好友目標係 要收於18000之上來畫季線

內地股市亦出現十一黃金週長假期前的套現沽壓，進一步拖低港股，不過見大媽托市手影， 窒礙了港股下跌步伐， 跌下彈下 陰陰跌，溫水煮蛙式派貨

大媽大鱷勒住港股跌勢，亦有可能係預留10月的波動空間，唔想9月插穿17000, 近日港股窒窒步跌下彈下，大市就唔會超賣

港股沽空又爆燈，後市不妙， 美元及美國十年期債息 齊齊走高，人民幣重拾跌勢，利淡股市

9月份基金季度結，上周五港股急升，估計基金經理亦會趁反彈急急走貨埋數， 擔心港股破位而下，唔敢立亂掃貨， 導致港股成交大幅縮減

上周五22/9老外 大手掃入A股，推動中港股市急升，今日老外大手沽出A股，拖累中港股市急跌， 老外沽貨食糊散水，中港股市冇運行

22/9  港股星期五畫周線，低開高收，單日轉向，大陽燭高收

阿爺繼續推出救市措施，在岸人民幣收市報7.3002，升32點子，結束4日跌勢，中港股市隨即由低位抝腰向上，不過 Al 顯示今次港股只係後抽，大方向仍要落山破底，當人民幣再插，港股就會再碌落山， 恆指月波幅及年波幅仍未達標，仍有下跌空間

港股沽空又爆燈，有空軍趁港股大升再出手沽空， 美國十年期債息走強上企4.4%，預示港股後市仍有危機

恆指創月內新低，跌至前底17573, 短炒淡友紛紛食胡，空軍掃入數十億元權重成份股回補空倉，推動港股大幅反彈，收復本周部份失地，不過全周計港股仍收跌，上證周線收升

近日老外密密沽出A股, 但今日卻突然大手掃入A股, 推動上證倒升47點以全日高位3132收市, 不過大媽卻趁港股大幅反彈乘機沽貨止賺

QQ今日雖然急升重上$310 水平，但其實冇莊家掃QQ， 今日QQ大升只係遊資好友推高食糊及夾淡倉，$300未必守得住，小心破位而下，要留意的是，由8月起，QQ通常升一天就回吐，最長亦只係連升兩天

～～～～～～

短炒一週期權的好友淡友今日要食糊， 加上 插埋今早嗰棍唔少股份都超賣，淡友回補空倉，所以港股一插即彈, 短炒淡友食完糊輪到好友開餐， 美期及內地股市反彈，港股跟住上， 港匯走強，但美元仍企105之上，利淡股市

~ #3333 恒大集團指由於公司的主要附屬公司恒大地產集團正在被立案調查，因此中國恒大集團目前的情況無法滿足新票據的發行資格

~ 傳中國監管部門考慮放寬外資對部分A股持股上限

~ 阿里巴巴旗下物流部門菜鳥傳快申請香港IPO籌逾78億

～ 中美成立「經濟工作組」和「金融工作組」, 以緩和中美緊張局勢

~ 9月尾係基金季結，要看呢班大帝會否做靚盤數，踢高走貨

～ 企業配股集資潮

～ 去年11月上升裂口17364 ~ 17536 有待回補，17500是是關鍵大位，如失守，向下500點一級見17000.16500....

～ 29/9-6/10 內地中秋國慶長假期休市 ，下周(9月尾) 中港股市沽壓或會加劇

~ 針對港樓市場再出招，按證保險公司宣布修訂按保計劃樓花住宅物業。放寬3000萬以下合資格樓花物業的按揭保險成數，當中1000萬以下可達九成

股樓下行，香港市民身家縮水

股樓齊齊向下走，呢幾年連港股基金經理都炒到冇癮，輸到趴街, 股民頻頻止蝕斬倉， 一係輸鑊金，一係成手蟹， 有些心灰意冷的股民轉去買香港年金、政府債券、定期……

拜登禁炒某些中資股，雖然唔知 確實生效日期，但 老外紛紛走貨，大炒家鬼婆木頭姐早已大手丟貨，中港股市都缺水，大鱷托沽，兩地股市跌下彈下陰陰跌, 溫水煮蛙式派貨

史哥指出9月恆指好淡關鍵位為 18213, 而 AI 指出9月恆指好淡關鍵位為 18751，目前港股正處於弱方，無論點彈，最終都要碌落山, 按照慣性走勢，市弱或該月收跌多數會在「20號之後」創月內新低

香港樓市風光不再， 樓價下滑 ，業主身家大縮水，加上經濟不景， 削弱股民入市意欲，花錢方面亦忍忍手， 慳住荷包改為去深圳消費，以及淘寶執平貨， 香港飲食及零售業 一殼眼淚

18/9 周一恆指收17930, 跌252點

港股沽空爆燈，全日沽空金額高達$197億，沽空比率為23.29%

人民幣兌美元在岸價(CNY)收報7.2920，大跌229點子，結束五連升

22/8恆指低見17573後抝腰向上，9月初升穿8月尾高位18742, 挑戰恆指雙頂頸線阻力18800打回頭, 4/9恆指高見18899受阻而回，轉尋底市, 17800.17500.17300.17000....

阿爺連降準呢招都用埋, 所以本周淡友就放心玩破底, 9月份阿爺頻頻出招撐市, 多家企業回購股份, 但只能窒礙港股下跌步伐, 無法扭轉劣勢, 無論點彈, 始終都要落山, 要破底才能擴大年波幅, 以恆指年波幅來推斷, 仍有下跌空間, 以港股的弱勢, 理應每季都會有新低, 所以10月都係危