古星輝 - 5G直播為「開心香港」出力｜乜都5G

秋風起，大家也出外走走，欣賞一下香港的繽紛美景，西九文化區就是其中一個熱門勝地，如此優美景色，很值得對外大事宣揚，吸引世界各地旅客留意。

說到大事宣揚，筆者首推5G直播最高效，而本周末5G直播再派用場，直播香港中樂團於西九文化區展開嘅香港鼓樂節20周年—「鼓動心弦 連結世界」音樂會，專業攝製隊會將動人心魄嘅鼓韻，結合西九文化區美景，經5G網絡傳送至世界各地觀眾，而我們亦是這次活動的「5G策略夥伴」，憑5G為「開心香港」活動出力。

籌備之初，香港中樂團表示希望將音樂會以4K超高清直播，網絡團隊拍心口表示冇問題，據團隊表示，喺九月初已經完成西九文化區附近嘅基站擴容工程，更是已完成工程嘅少數營辦商之一，此舉大大加強西九文化區一帶嘅流動通訊訊號，而我哋更可以黃金頻譜提供5G覆蓋，4K直播當然毫無難度。

只需數小時完成設置

設置簡便一直是5G直播最大特色，據網絡團隊所講，由於場地覆蓋相當理想，只是在基站後台作出一些簡單設定，再配合5G路由器已可達成強勁頻寬輸出，即使屆時現場觀眾人數眾多，依然無損直播質素，只需數小時已經完成設置。相比從前以固網寬頻直播，動輒花上數以日計嘅設置時間，5G在直播方面已顯示壓倒性優勢。

5G直播於今年作出唔少突破，先有年初全港首個郵輪5G海上直播，而明日嘅「鼓動心弦 連結世界」音樂會場面預期相當精彩。

筆者打算先到西九文化區藝術公園現場欣賞，然後再看5G直播版本，約定各位明日下午4時45分，一起支持這個精彩活動！

和記電訊香港行政總裁

古星輝