古星輝 - 構建綠色5G校園｜乜都5G

政府及電訊商一直積極推廣5G於不同範疇嘅應用，除主打商業外，5G於教育方面嘅應用亦有龐大潛力。新學年剛開始不久，我哋喺學界就有不少作為。

先喺今年暑假，公司就為香港西班牙學校，以5G構建全校園嘅流動網絡覆蓋，打造咗全港其中一間率先使用5G嘅國際學校。聽同事講，學校喺大埔嘅新校舍並無光纖覆蓋，如果要由零開始掘地拉線，需要唔少時間同金錢。

我哋有提供5G通訊及固網匯流服務嘅優勢，而且為學校提供一站式網絡設計，以及喺學習場景方案又經驗豐富，團隊了解咗學校要求後實地考察，並精心為學校打造全方位5G覆蓋，提供5G Wi-Fi，方便教與學。

專責團隊因應學校嘅地理位置，喺室內外嘅策略點擺放5G路由器；其中一個超級路由器更達工業用級別，防水耐熱，為學校時刻提供充裕頻寬及高速5G Wi-Fi。

打造5G智慧校園

我哋不但為學校部署5G網絡基建，亦同時網羅不少適用於校園嘅5G方案，鼓勵學校數碼轉型與時並進。例如新推出嘅「校園小記者方案」，就結合咗5G同360度全景相機，方便學校設立5G 4K超高清串流直播平台，等學生可以進行4K全景拍攝及5G直播，幫助學生掌握網上直播技巧。

此外，我哋嘅綠色5G校園方案，亦致力助學校達至環保節能嘅目標。最新嘅「智能列印方案」，就以5G網絡連接，運用雲端列印技術，極速傳送文件，而由於影印機毋須預熱可以節能。另外，剛推出嘅「智慧照明及冷氣方案」，亦採用雲端技術，學校可隨時隨地以5G手機，輕鬆調校任何照明及冷氣系統，與未使用相關方案時比較，可節能達3成。

仲記得我哋當初成功幫全港第一間學校申請到5G資助，提供沉浸式學習體驗時，已經率先躍出電訊商嘅傳統框框。正所謂「學海無涯」，我哋會繼續努力！

和記電訊香港行政總裁

古星輝