古星輝 - Opensignal年度5G大獎揭盅|乜都5G
2023/10/27 03:01:11
網誌分類:
經濟
往時坊間很多網絡質素比試,大多憑測速分高下,事實速度只係衡量網絡質素嘅其中一個維度。試想像,網絡覆蓋不全面、訊號不穩定,即使有間歇性極速,用戶體驗都唔會好。近年集中於網絡數據研究機構OpenSignal,藉着來自全球逾億部裝置嘅大數據,從不同維度分析全球大部分網絡商表現,結果相對全面,不再是一味講速度。OpenSignal新近發表咗2023年嘅全球5G網絡體驗大獎,我同大家一樣,最關心香港區嘅表現。
今次嘅大獎分為5G連接率、5G下載速度、5G遊戲體驗及5G串流體驗四個獎項,當中「5G連接率」可以話係現代化嘅覆蓋指數演繹,以大數據去分析一個真正香港用家連接到5G網絡嘅時間,時間越多,分數越高,代表覆蓋越好。
5G連接率5G遊戲體驗表現佳
我哋香港嘅網絡商喺5G連接率及5G遊戲體驗表現特別出色,其中我哋公司嘅5G網絡,更係全港5G連接率表現最好嘅一間,證明我哋網絡團隊一直默默耕耘,將覆蓋延伸至各大新落成嘅交通基建設施及公共場所,全力優化網絡覆蓋;而我哋近年嘅小蜜蜂團隊亦功不可沒,每日深入港、九、新界及離島各處查找網絡不足,將網絡盲點逐一擊破,令多個地點嘅網絡質素得以提升!年初聯同香港中樂團舉行全港首個郵輪5G網上直播,破天荒於海上作「非定點」5G現場直播,更加係網絡覆蓋同技術嘅最佳示範。
除5G連接率外,香港網絡商於5G遊戲體驗範疇表現亦值得一提,我哋唔單止名列前茅,更加被列入大躍進名單之中。其實網絡團隊今年都花咗唔少心血喺手遊上面,當然唔係講打機,而係調配更多網絡資源,以提升熱門遊戲嘅客戶使用體驗,減低喺繁忙時段同地區嘅網絡時延,遊戲體驗大大提升,出招自然快過人。呢個咁鼓舞嘅消息,係對我哋團隊嘅最大肯定,亦成為大家未來嘅工作指標。
和記電訊香港行政總裁
古星輝
![■最佳的5G用戶服務體驗,除了講求速度,網絡覆蓋是否全面及訊號是否穩定同樣重要。p/ ■最佳的5G用戶服務體驗,除了講求速度,網絡覆蓋是否全面及訊號是否穩定同樣重要。p/](http://static.stheadline.com/stheadline/news_res/2023/10/27/87123/i_src_040644644.jpg)
■最佳的5G用戶服務體驗,除了講求速度,網絡覆蓋是否全面及訊號是否穩定同樣重要。
回應
(0)
我要發表