KellyChu - 故宮演藝嘉年華揭幕 樂團呈現「仙樂」聽到出神｜Executive日記

中銀香港獨家贊助嘅「香港故宮演藝嘉年華」昨日揭幕，並邀請到香港天籟敦煌樂團到場，演奏一場名為《凝視．靜聽：來自文物的聲音》音樂會（見圖）。樂團透過多首樂曲，帶領觀眾凝視文物嘅美、靜聽文物嘅情，從而感受文物嘅獨特色彩。音樂會亦首演曲目《龍紋》，呢首樂曲以三星堆為創作題材，由八種樂器合奏，小妹喺現場聽到出神，可能呢啲就係傳說中嘅仙樂！

博物館昨亦舉辦敦煌古樂器親子工作坊，由香港天籟敦煌樂團嘅樂師主持，講解敦煌壁畫同其中嘅樂器，好多小朋友好感興趣，問咗唔少問題！今次「香港故宮演藝嘉年華」會同本地頂尖表演藝術團體和藝術家合作，全年上演唔同類型嘅主題節目，包括表演、工作坊、講座等，等市民探索中國文化藝術嘅博大精深。活動依家可以到博物館網站報名喇，費用全免！

Kelly Chu