KellyChu - 捐出逾2100件可重用閒置物品 英皇夥國泰捐傢俬助60基層家庭｜Executive日記

英皇集團及國泰攜手展開、聖雅各福群會全力支持嘅「共享其適」傢俬捐贈行動正式啟動，兩間企業通過英皇慈善基金，向聖雅各福群會「GOODS-CO」物送平台捐出超過2100件可重用閒置物品，至今已有逾15間社福機構申請，期望約有60個基層家庭受惠。

今次行動捐贈嘅閒置物品主要來自英皇國際及國泰旗下物業，當中包括唔少辦公室傢俬，等有需要嘅社福機構申請，以減少營運開支；亦有部分傢俬來自歐化傢俬贊助予英皇集團於2020年展開嘅「共‧融舍」房屋共享計劃項目嘅租戶使用，包括衣櫃、餐桌及睡床等。

另外，歐化傢俬亦捐贈全新「歐化寶」寢具，望幫助有需要人士提升睡眠質量。

英皇集團副主席楊政龍話，非常高興能與聖雅各福群會及「GOODS-CO」合作，為低收入家庭等提供狀況良好嘅家具，減輕佢哋財政負擔。集團在物色合作夥伴時，得知「GOODS-CO」係一個數碼化平台，一直積極推動環保文化，透過科技更有效惠及人群，更會為有需要人士提供免費物流運送服務，令佢哋毋須擔心運輸成本，進一步減輕經濟壓力，與集團致力可持續發展及關懷社區嘅目標一致，同時亦賦予集團閒置資源二次生命，減少浪費，從源頭減廢，實在一舉兩得。

Kelly Chu