KellyChu - 尹光閃爆重臨廟街翻錄經典MV 喜嘗地道「掃街」文化｜Executive日記

為期半年嘅「廟街市集」最近人氣爆燈，旅發局就打鐵趁熱，邀請咗同樣爆紅嘅「廟街歌王」尹光（光B），到廟街重新錄製經典歌曲《廟街》MV。喺MV裏面。光B造型閃爆，一如既往咁唱得，仲同歌詞「也東風螺齊齊黎搽辣醬」一樣，同外國遊客一齊，食咗呢道鑊氣十足嘅港式名菜，之後仲體驗咗「靈雀占卜」、試埋港人集體回憶嘅「飛機欖」。光B話，今次係寓工作於娛樂，用舌尖一嘗地道「掃街」文化，非常之開心！

旅發局就話，新版本嘅《廟街》MV，唔單止介紹廟街各式美食、平民購物等地道多元文化體驗，仲期望透過光B嘅標誌歌聲，邀請大家親身感受廟街嘅舊情新風貌。小妹睇完MV就覺得好肚餓，決定呢個周末去行廟街市集！

Kelly Chu