多個人疼

今晚仔回來跟我提前吃年夜飯，並倆夫妻叫我睇啱手袋款式大小，昨晚就一起買了，今日由仔帶回來送上。我傳訊息多謝媳婦，佢地心意我全接收晒，原來娶了媳婦不是少左個仔，倒轉多個人愛錫，我也定必識做，因是名牌，價錢不平，利是都得封大封，不可以食人隻車，後生搵錢都不易，講實際些，寧可給我現金，自己選購更合心意的東西，不過人家的心意，又不可以拒絕，否則以後乜都無，也破壞彼此感情，所以回禮必然比平常給別人利是大多幾倍，禮尚往來，中國人慣例。

那新年期間，仔去媳婦那邊，我就可做無飯主婦，自由人。仔有人接收了，阿媽就輕鬆多，預祝網友們新春大吉大利，好運健康都不缺，快快樂樂過肥年。