操曲導賞（沈園會）

唔玩粵曲D朋友會好奇怪, D人又車又船, 山長水遠, 走到深圳去唱幾支歌ｏ又茶又飯, 駛幾百文, 究竟何苦來哉？

等黄SIR講自已的心態你知啦ｏ（人地點我就唔知嘞, 但我自已呢就每次都有D感悟, 有D得着, 同埋開開心心成班人玩了一日ｏ）

即以最近在葉師父處所學的沈園會為例, 上課時葉老師已教晒唱此曲的重點ｏ南音轉番正線的腔口如何如何, 長序又點聽（……..嘆息無用果度！）到操曲時就留意樂隊質素了ｏ

學完之後, 此曲我操了四次ｏ（全部上晒網献醜了！）

第一次627同HELEN姐在丽音唱, 你地可以聽倒我二王新腔D腔口唔熟, 也錯了好幾處, 也可以同時比較一下日後, 在𣎴同曲藝社唱的音樂處理ｏ

第二次, 同日夜局, 同SANDY姐又在丽音唱, 不同對手, 又有不同的演譯, 雖然音樂人馬一樣, 但我已熟曲, 小小了ｏ

今次710同細娟姐在南粵又再唱, 音樂社D音樂處理, 又有不同聽法ｏ不同對手原來感覺又不同, 其他下架音樂落力程度又不同, 總之每次都有新的體會ｏ

第四次是當晚同MARY姐在金駿再唱, 又發覺今次金駿, 成班師傅落力拍和, 沒有欺塲, 返來一聽再聽, 研究吓人地D演譯, 原來人人都有不同的ｏ

這首沈園會大部份小曲皆有工尺, 二王新腔又有埋工尺, 只有南音部份冇, 對樂隊來說難度不大, 唔怪得知咁多人用來出SHOW啦, 此曲唯一唔好係超過三十分鐘, 出SHOWCUT曲就冇癮, 加錢更無謂, 放在最尾更加咪搞！

此曲對於唱者要求, 唱啱晒D工尺, 就有機會好聽過羅家宝唱矣（至小小弟就有咁嘅感覺了！）原唱者子喉部份, 個旦仲差, 我D靚師妹個個都好過佢！

呢隻歌D小曲編得很悅耳, 很易討好觀眾, 有機會等黄SIR上台唱俾大家聽吓啦！

而家操曲梗有D瑕疵啦, 唔洗話俾我聽啦！我知啦！黄SIR天下無敵！唔記得咗咩？吓？