上深圳操曲之樂

上深圳操曲, 黄SIR喜歡一大班人嘻嘻哈哈, 一早約齊出動, 上到三島飲茶吹一輪水,又在席上講好唱边隻边隻, 最好就三日前約好, 以免甩曲, 边個肯打頭陣, 边個唔介意叠曲, 边個要早走, 边個要按摩, 边個要整指甲, 一早講清楚, 大家遷就吓, 開開心心玩一日ｏ

最好就音樂社D音樂配合得好啦, 唔好就笑吓佢地囉, 又以後小D來往囉, 間不中都會遇倒D, 唔夠專業欺客嫁, 笑吓就算囉ｏ玩之馬ｏ大家都係輕輕鬆鬆唱好隻歌ｏ等番屋企有排聽也ｏ

不過都有D人唱粵曲, 以為要同賢仔, 偉坤哥, 鳳女姐之類唱至威, 又以為去D二千幾嘅樂社至好玩,其實至緊要同自已啱KEY嘅, 就好玩嘞！唱歌唔啱KEY？點都唱唔好啦！

有時按吓腳, 聽吓人甩曲, 都一樂也ｏ

最近電視介紹慢活文化, 叫人慢D生活, 喝吓下午茶, 悠悠閒生活, 其實黄SIR最憎趕喉趕命, 鷄咁腳, 一泥就要唱, 一唱完就走！有乜情趣可言ｏ

有時我地最開心係操完曲, 食晚飯時, 你笑吓我, 我笑吓你, 有時我在唱之時, 加插D口白, 玩到甩曲, 大家笑到鬼咁開心！

最精彩部份就係番屋企將D曲上網示眾, 边間音樂社對我唔住, 一於唱衰佢！大家可以聽吓D曲, 感受吓我地上深圳操曲嘅快樂！