慢活哲學 2

黄SIR以前識一個朋友, 真係性急到死, 急到買咗D六合彩飛, 未開已經丟咗落垃圾筒個隻ｏ你約佢食午飯, 佢早餐時已經食緊CALL你仲唔泥, 真係心急到D水未滾, 就去冲茶冲咖啡, 同佢出街真係俾佢搞到神經衰弱也ｏ

你話同去賭馬仲惨, 呢塲都未跑, 佢就去買緊下一塲！總之乜都急到死！好似遲小小就世界末日咁ｏ

誰知做人, 根本就唔駛樣樣嘢咁快, 有時慢有慢好, 大家都可能試過, 人人做好晒準備去做一件事, 但你就拖吓拖吓, 誰知到頭來, 形勢一变, 或者天氣一變, 唔駛做, 吹漲晒果D一早準備好D人！

黃SIR係馬場左度在度, D馬入晒閘都未買, 結果要買時已經開跑, 跑出泥又唔係黄SIR想投注果隻, 証明慢，有慢好啦！

所以話, 慢有慢好, 又唔係救火, 唔駛咁急嘅！

迫D小朋友一早考晒D什么什么皇冢什么級試, 真係無謂兼無聊！做神童有鬼用咩？你睇吓馮寶寶一早俾老豆迫佢做神童, 長大之後, 有一段時期迷失到幽鬱, 幾經辛苦至揾番個做人的方向, 可知快成名, 未必快樂嘅ｏ

做人悠悠閒, 你約我, 我得閒就去玩, 唔得閒就下次先, 慢慢歎至好嫁！唔駛咁心急格！明冇？