慢活哲學 3

有個笑話, 講一個好心急的人, 走去食雲吞麵, 一去到就摧人快D快D, 拍晒枱果隻ｏ誰知今次佢遇倒個, 仲心急過佢嘅雲吞麵老板, 佢一攞碗麵埋泥就倒係枱面俾條友食！條友當堂窒住, 點解？雲吞麵老板話趕住攞番隻碗去洗, 等第二個客有得用也！

黄SIR經常見D人, 船未泊好就跳上岸, 過馬路又跳過D欄杆, 心急到死, 一個唔該, 跌咗落海或者俾車車死, 真係趕住去投胎了ｏ

當然十人生九品, 有心急人, 但成日歎慢板D人一樣有, 有D做服務性行業的朋友,你想佢同你服務, 又係唔應該慢就慢到你發盟！據說有單政府什么什么投訴, 過了十一個月仲推來推去未觧決！夠慢啦！

但黄SIR所講的慢活哲學, 當然不是這類啦, 慢活哲學只是一種生活的態度, 一種悠閒的心態, 一種享受生活的態度, 並不是不應慢而慢！

做事當然唔可以慢吞吞啦！但做人就可以慢吞吞矣！慢活ｏ慢活ｏ慢慢生活也ｏ

慢成點？好似黄SIR應付老婆大人咁, 每日做咗一件事就等第日至做第二件啦！夠慢未呢？吓？