煩惱自尋 2

報載有位華人置業高層燒炭而死, 原因是炒濃了股票, 欠下咭數街數成千万, 每月俾息都十五万, 佢月入七万, 入不膚支, 點唔死吖？

睇吓佢家庭只得两夫婦, 老婆仲係公務員, 真係乜都唔投資, 就一定冇事, 原因就係此君煩惱自尋, 走去股市大博殺！

有時人係會無無聊聊行咗入個死局, 不能自拔, 所以有時真係要有高人指點至得,正如上文此君, 如果有個高人話俾佢聽, 乜都咪搞, 自有福來, 佢嘅人生自自然然過關, 唔駛五十歲都過唔倒（佢得49歲咋, 陰功！）, 認真可憐也！

有時人的行為真的很怪, 有次報載有條友在家中健身, 把腳鎖在一鉄架上倒吊練腰力, 誰知冇力解番, 吊死咗自已, 你話係咪攞泥衰？

眼見很多人無嗱嗱會自尋煩惱, 所以黃SIR做事做人, 变成了非常之保守, 可以唔做就唔做, 可以唔博就唔博, 可以唔变就唔变, 慎防一個唔該洗濕個頭, 進退兩難, 煩到死都唔掂就慘啦！

似乎人生要想唔煩, 都要有D大智慧至得ｏ慎始而圖終, 有時說笑可以出事, 有時玩樂又可以出事, 有時投資又可以出事, 總之人生咁多瓣, 瓣瓣都有可能出事, 唉！唔通凡人, 係注定一定要煩？