他（她）們表演D乜？

一連两晚, 黄SIR都在沙田大會堂, 欣賞春韻秋曲樂香江ｏ這個SHOW在多本粵劇雜誌有廣告, 可見主辦者頗有實力（錢也！）ｏ而此SHOW請來的嘉賓也頗為專業, 李秋元是文武生, 的確唱工一流, 而弟弟春元也頗具實力ｏ據說陳偉業, 崔德輝是粵曲曲藝老師, 的確有唱工之人也ｏ至於潘國榮原來是潘千千之弟, 林冲發配滄州一碟, 是他的作品ｏ鄧有銀小姐根本不用黄SIR介紹ｏ

其他業餘歌者, 曲藝自然不及專業唱家ｏ有D連基本用聲都未通, 音準更欠奉ｏ很多首歌, 一交到業餘手就唔知佢唱乜？

在個環境下, 黃SIR不禁想, 究竟他（她）們想表演D乜？曲藝就欠奉了, 但花了咁多錢, 又操了很久才敢企上去, 難道佢地唔聽自已唱成點？老師們又冇教他（她）們？

當然唔會啦, 黄SIR自已也唱粵曲, 也曾出過SHOWｏ出SHOW的心態是, 自已立一個指標給自已, 例如唱到不甩𣎴撞, 上到台唔出醜, 已經是快樂無边之事ｏ根本觀眾點諗, 冇人會在意ｏ

因為此類演唱會, 呢班業餘票友至係老細, 出埋錢, 請埋老倌, 音樂, 諸如此類ｏ能順利完成, 對他（她）們巳屬快樂無边之事ｏ更未計影埋影埋D靚相, 演出的DVD, 作為日後談資的日子ｏ就是他（她）們的收獲了ｏ

所以黄SIR在此, 應該多謝他（她）們提供了两個快樂的晚上給黄SIRｏ希望他（她）們的曲藝, 日後可更進一步ｏ（其實有D都好過黄SIR而家好多矣！）

免費SHOW, 你地想點噃？吓？