他（她）們表演D乜？ 2

黄SIR去欣賞呢D演唱會, 其實真的充滿了樂趣ｏ專業的唱者, 真係放咗心機落去, 曲藝的確高人一等, 企出來輕輕鬆鬆, 一發聲巳是胸腹共鳴, 神仙放屁！（非同凡響也！）一聽便知龍與鳳, 一看面容, 提了笑肌, 聲音送前, 全部發口粒粒字清清楚楚ｏ李秋元, 李春元两兄弟都做倒了, 係苦練得番泥嘅, 一D都唔係天生如此也！

加上專業音樂, 頭架係佢老豆, 唱來更加得心應手ｏ真一樂也ｏ至於曲藝老師陳偉業, 崔德輝, 一樣出倒靚聲, 唱來有板有眼, 有料之人, 理當如此！潘國榮一樣做倒晒曲藝要求！

其實時至今日, 有D老師依然以為唔將曲藝竅門教人, 留番俾自己, 講到玄之又玄, 深到死！其實大陸藝校, 人人都學了發聲呼吸原理, 人人已明其理, 又有嚴格之訓練矣！唔教人想揾食果D, 已屬落後矣！

至於教晒俾人, 全部原理明晒, 都唔係人人練倒ｏ好似武功一樣, 各自領悟倒幾多, 再加上天賦ｏ要成為唱冢, 真係唔簡單也！

至於冇料又做曲藝老師, 一企上台已屬原形畢露, 經常在此類SHOW中揾倒呢D人也ｏ

冇料音樂, 冇料卜竹, 更加多如桓河之沙也！今次春秋算合格啦！黄SIR卜咗8月7係春秋玩, 泥聽吓啦！