他（她）們表演D乜？ 3

至於業餘玩票, 當然力有不棣啦ｏ一大弊病, 發口不清, 由頭到尾都聽唔倒佢唱乜ｏ但佢自已唔知, 因為佢自已知道唱乜, 就算自已聽番, 都知自已唱乜, 但台下觀眾就只有被虐的份兒！

第二是未識發聲, D音準有問題, 變佐好鬼難聽ｏ有D子喉, 好似挾死老鼠咁ｏ有D用真聲, 輕輕地唱, 都係冇曲藝也ｏ你睇吓鄧有銀係唔係咁樣唱, 就知要練嫁！唔係去曲藝社唱两嘢就得！更加唔係胡亂上吓大班, 學識隻歌, 就可以企上去也ｏ更加唔係請個老倌, 或者老師, 你D級數就會立即提昇也！

有冇料, 一開口, 便知有沒有！

作為免費觀眾, 你係老細, 你請我睇SHOW, 一定俾足面你, 拍爛手掌, 你蝦碌仲過癮, 攞泥笑！十分開心！

果晚隻谷底情, 內場第一句重臨絕谷處……未等音樂奏完, 就一嘢重……入泥！要音樂由頭玩過, 大冢唔知幾開心, 相信唱者CUT咗果段, 一樣原原整整一隻歌, 以後又可以話, 同鄧有銀出過SHOW矣！非常十分之快活之事也！

千金難買心頭愛, 洗皮零嘢咁死快樂, 制得過也！

業餘唱得渣, 自已自自然然會原諒自已矣！玩之馬！駛唔駛坩認真呀？叻就收咗錢啦！又唔係賣飛！

黃SIR一早, 就對自已十二分寬容了, 唔係點呀？