他（她）們表演D乜？ 4

唱粵曲, 好多人都有自戀狂, 多數覺得自已把聲有番咁上下（有人仲話佢把聲靚過羅家宝, 誰知人地讚你靚声, 即係你曲藝欠奉之馬！）出得SHOW, 自然個樣又有番咁上下, 更加多是想重拾往日青春, 化晒𥺁, 着晒晚禮服, 影番輯靚相, 日後傳子傳孫, 真係快樂無边之事了ｏ

而能夠企得上台, 又同大老倌出SHOW, 真係冇幾何也！

而且身為親友, 觀眾, 見你洗咗咁多錢, 點好意思話你唔得呀？就算唔得, 都賴音樂, 賴燈光, 賴天氣, 賴健康, 我就見過有D人, 凡親出SHOW就有病, 影响聲帶唔唱得ｏ（其實係情緒病, 緊張過咗籠！死未？）

正如以往黃SIR D高音去唔倒, 就賴唔夠瞓ｏ唱得唔好, 就賴疲倦ｏ聲沙就賴天氣一樣, 總之好少人, 會知係因為曲藝唔夠也ｏ（好彩而家黃SIR知小小矣！）

粵曲博大精深, 有D唱幾十年歌, 仲係牛奶咀, 有D做埋師傅, 連發聲原理都欠奉, 老倌都未必識樂理, 而家大陸有所謂卜燦榮腔, 樂慶兒腔, 就係要音樂師傅譜咗工尺或簡譜至識唱也ｏ

好多識小小, 稍為叻小小, 就評呢個, 評果個（我話自已咋！）嬲佢又唔知, 鬧佢就唔好意思ｏ

唉！黄SIR越學就越覺唔夠料ｏ

死啦？點企得上去出SHOW呢？吓？